ఆస్పత్రి నుంచి కమల్​​ డిశ్చార్జ్..

తమిళ అగ్రకథానాయకుడు కమల్​హాసన్ డిసెంబర్ 4 న ఆసుపత్రి నుండి డిశ్చార్జ్ అయ్యారు. పూర్తి ఆరోగ్యంతో ఉన్న ఆయన.. ​ఐసోలేషన్​ నుంచి బయటకొచ్చారు. ఈ మేరకు ఆస్పత్రి సిబ్బందితో కలిసి ఆయన దిగిన ఓ ఫొటో ప్రస్తుతం వైరల్​గా మారింది.

నవంబరు 22న కమల్​ హాసన్​కు కరోనా సోకింది. అమెరికా నుంచి భారత్‌కు చేరుకున్న తర్వాత​ పరీక్షలు చేయించుకోగా కరోనా పాజిటివ్‌గా నిర్ధరణ అయ్యిందని కమల్​ ట్విట్టర్​లో తెలిపారు. అప్పటి నుంచి చెన్నైలోని శ్రీరామచంద్ర ఆస్పత్రిలో చికిత్స పొందుతున్నారు.

ఈ క్రమంలోనే డిసెంబరు 1న కరోనా నుంచి ఆయన కోలుకున్నట్లు శ్రీరామచంద్ర ఆస్పత్రి వైద్యులు వెల్లడించారు. కానీ డిసెంబరు 3 వరకు ఆయన ఐసోలేషన్​లోనే ఉంటారని ఆస్పత్రి యాజమాన్యం వెల్లడించింది.

 కాగా..ఆసుపత్రిలో 13 రోజులు చికిత్స‌ తరువాత, కోవిడ్ -19 నుండి కోలుకోవడంతో కమల్ హాసన్ శనివారం ఇంటికి తిరిగి వచ్చారు. డిశ్చార్జ్ అయిన వెంటనే, కమల్ హాసన్ తాను హోస్ట్ చేసే రియాల్టీ షో ‘బిగ్ బాస్’ సెట్స్‌కు వెళ్లాడు.

త్వరలోనే కమల్​.. ‘విక్రమ్’​ సినిమాతో ప్రేక్షకుల ముందుకు రానున్నారు. లోకేశ్​ కనగరాజ్‌ దర్శకత్వం వహిస్తున్న ఈ చిత్రంలో విజయ్​ సేతుపతి, ఫహాద్​ ఫాజిల్​ ముఖ్య పాత్రల్లో కనిపించనున్నారు. ఈ మూవీతో పాటు శంకర్​ దర్శకత్వంలో తెరకెక్కాల్సిన ‘ఇండియన్​ 2’లోనూ కమల్​ నటించనున్నారు. ఇప్పటికే షూటింగ్​ ప్రారంభిమైన ఈ సినిమా తాత్కాలికంగా నిలిచిపోయింది.