నాచెలి వదన దీపం
వెలుగు పూలు పూస్తుంది
నా జాబిలమ్మ కనులలో
వెండి వెన్నెల కురుస్తుంది
నా సఖి అధరాల పాలకడలిలో
అమృతం ఉద్భవిస్తుంది
నా ‘కలల రాణి’కరుణించి
కళ్లెదుట నిలిసింది
తన వెంట నవ వసంతం
తీసుకొని వచ్చింది
వలపుల వానై
నా గుండెల్లో కురిసింది
క్రొత్త ప్రేమలోకంలోనికి
నను తీసుకెళ్లింది
మధురానుభూతులను పంచింది
నా హృదయమెంతో మురిసింది
-గద్వాలసోమన్న, ఎమ్మిగనూరు