పరభాషకు చెందిన వాళ్లు తెలుగులో మాట్లాడుతుంటే మన ఆనందం అంతా ఇంతా కాదు. తాజాగా బాలీవుడ్ హీరోల జాన్ అబ్రహం, అనిల్ కపూర్ తెలుగులో మాట్లాడి అందరినీ ఆశ్చర్యపరిచారు. పాగల్ పంతీ సినిమా రిలీజ్ సందర్భంగా.. ప్రమోషన్స్‌లో పాల్గొన్న ఈ చిత్రబృందం ఏబీఎన్ ఆంధ్రజ్యోతితో ముచ్చటించింది. చిత్ర నటులు అనిల్ కపూర్, జాన్ అబ్రహం, అర్షద్ వార్షి, కృతి కర్బందా, ఇలియానా తమ చిన్ననాటి కబుర్లతో సందడి చేశారు. అనిల్, జాన్ అబ్రహం తెలుగులో మాట్లాడటం హైలెట్‌గా నిలిచింది. కృతి కర్బందా సహకారంతో ఈ ఇద్దరు హీరోలు తెలుగులో మాట్లాడారు. ‘‘అందరికీ నమస్కారం. నవంబర్ 22న మా సినిమా రిలీజ్ అవుతోంది. తప్పకుండా చూడండి. ప్లీజ్ చూడండి’’ అని విజ్ఞప్తి చేశారు. ఆ తర్వాత ఇలియానా కూడా తెలుగులో మాట్లాడుతూ.. ‘‘అందరినీ ప్రేమిస్తున్నాను. తెలుగు వాళ్లపై చాలా ప్రేమ ఉంది’’ అని వ్యాఖ్యానించింది.
బాలీవుడ్ హీరోహీరోయిన్లు తెలుగులో… వీడియో వైరల్
