telugu navyamedia
ట్రెండింగ్ రాజకీయ వార్తలు విద్యా వార్తలు

ఉత్సవాలు ప్రారంభించిన టీడీపీ… రేపటి నుండి ఉద్యోగమేళ…

job mela in ap for 3 days in all districts

దేశంలో మోడీకి వ్యతిరేకత ఎలా ఉందొ, ఆంధ్రప్రదేశ్ లో కూడా సీఎం చంద్రబాబు కు కూడా అంతే వ్యతిరేకత ఉంది. దీనితో అటు పీఎం ఇటు సీఎం లు ఇద్దరు ప్రజల మన్ననలు తిరిగి పొందడానికి అనేక ప్రయత్నాలు చేస్తూనే ఉన్నారు. దానిలో భాగంగా ఎన్నికలు కూడా దగ్గర పడ్డాయి కాబట్టి ప్రజలకు అనేక వరాలు కురిపిస్తున్నారు. ఈ నెలలోనే ఏపీలో అనేక కార్యక్రమాలకు సీఎం చంద్రబాబు శ్రీకారం చుట్టనున్నారు. నేడు బంద్ కారణంగా రేపటి నుండి ఈ కార్యక్రమాలు ఉత్సవంగా ప్రారంభం కానున్నాయి. దానిలో భాగంగానే, యువతను ఆకర్షించడానికి ఏపీ స్కిల్ డెవలప్‌మెంట్ కార్పొరేషన్ సిద్ధమైంది. ఫిబ్రవరి 2, 9, 16 తేదీల్లో రాష్ట్రవ్యాప్తంగా 13 జిల్లాల్లోనూ ఉద్యోగ మేళాలు నిర్వహించనున్నారు. ‘అడ్వాంటేజ్‌ కెరీర్‌ ఎక్స్‌పో’ పేరుతో మెగా ఉద్యోగమేళాలు నిర్వహించనున్నట్టు ఏపీ స్కిల్ డెవలప్‌మెంట్ కార్పొరేషన్ తెలిపింది. గత నెల 23, 24 తేదీల్లోనూ మెగా ఉద్యోగ మేళాలు నిర్వహించింది.

రెండో తేదీన ఫార్మా, హెల్త్‌కేర్, మెడికల్‌, లైఫ్‌సైన్స్‌ రంగాలకు చెందిన 150కిపైగా సంస్థలు మేళాలో పాల్గొననున్నాయి. బీఎస్సీ, బీఫార్మసీ, ఇంటర్, ఎంఎస్సీ, ఎంఫార్మసీ చేసిన అభ్యర్థులు మేళాకు హాజరుకావొచ్చు. అలాగే, 9న ఐటీ, ఎలక్ట్రానిక్స్‌, టెలీ కమ్యూనికేషన్స్‌, బీపీవో, ఆటోమొబైల్‌, కన్‌స్ట్రక్షన్ రంగాలకు సంబంధించిన సంస్థలు మేళాలో పాల్గొంటాయి. చివరిగా ఈ నెల 16న జరగనున్న మేళాలో సెక్యూరిటీ సర్వీసెస్, లాజిస్టిక్స్‌, బ్యాంకింగ్‌ తదితర రంగాలకు సంబంధించిన సంస్థలు పాల్గొంటాయి.

నిరుద్యోగులు ఈ అవకాశాన్ని సద్వినియోగం చేసుకోవాలని కార్పొరేషన్ పేర్కొంది. మరిన్ని వివరాలకు https://www.apssdc.in/home/AdvantageAP వెబ్‌సైట్‌లోకి వెళ్లి తమ వివరాలను రిజిస్టర్ చేసుకోవాలని సూచించింది.

Related posts