ఎక్కడో ఒకచోట మార్పు తప్పదు.. కొత్తనీరు రావాల్సిందే, పాతనీరు పోవాల్సిందే. కాలానుగుణంగా ప్రతిదానిలో మార్పులు చోటుచేసుకుంటూనే ఉంటాయి. దానిని మొదటిగా అనుభవించేవారికి కొత్తగా ఉండొచ్చు, ఆ తరువాతివారు అలవాటుపడిపోతారు. అలాంటి విప్లవాత్మకమైన మార్పులు విద్యావ్యవస్థలో కూడా మార్పులు వస్తూనే ఉన్నాయి. పరీక్షా విధానాలలో కూడా ఆయా మార్పులు జరుగుతుండటం చూస్తున్నాం. తాజాగా జవహర్‌లాల్ నెహ్రూ విశ్వవిద్యాలయ(జేఎన్‌యూ) విద్యార్దులు ఈ దఫా సెమిస్టర్ పరీక్షలను వినూత్నమైన రీతిలో రాయనున్నారు.
ప్రస్తుతం ఫీజుల పెంపునకు నిరసనగా జేఎన్‌యూ విద్యార్ధులు ఆందోళన బాట పట్టిన విషయం విదితమే. ఇందులో భాగంగా సెమిస్టర్ పరీక్షలను కూడా బహిష్కరించాలని కూడా నిర్ణయించుకున్నారు. దీంతో విద్యార్ధులు యూనివర్సిటీకి రావడంలేదు. ఈ క్రమంలో… త్వరలో జరగాల్సి ఉన్న సెమిస్టర్ పరీక్షలను కొత్తగా నిర్వహించాలని ఉన్నతాధికారులు నిర్ణయించారు. ప్రశ్నాపత్రాలను నేరుగా విద్యార్దుల వద్దకే పంపించనున్నారు. ఆ తర్వాత… విద్యార్దులు తమ జవాబులను వాట్సాప్, ఈ మెయిళ్ళ ద్వరా పంపించాల్సి ఉంటుంది. అయితే ఇందుకు సంబంధించిన విధివిధానాలను ఒకటి, రెండు రోజుల్లో వెల్లడించనున్నారు. విద్యార్దుల ప్రయోజనాల దృష్ట్యా ఈ నిర్ణయం తీసుకున్నట్లు విశ్వవిద్యాలయం అధికారులు తెలిపారు.
చిన్నపిల్లలు కూడా మద్యానికి బానిస అవుతున్నారు: లక్ష్మీపార్వతి