ఆఫర్ల వలలో చిక్కుకొని విమాన సేవా సంస్థలు దివాళా తీస్తాయని నిపుణులు చెపుతూనే ఉన్నారు. ఈ నేపథ్యంలోనే తాజాగా, జెట్ ఎయిర్‌వేస్ దివాళా దిశగా వెళ్తోంది అని వార్తలు వచ్చేశాయి. ఇందుకు నిదర్శనంగా ఆ విమాన సంస్థ.. 13 అంతర్జాతీయ రూట్లలో తమ విమానాలను నిలిపివేసింది. ఏప్రిల్ నెల చివర వరకు ఇది వర్తిస్తుందని ఆ సంస్థ పేర్కొన్నది. దీనితో మొత్తం జెట్ ఎయిర్‌వేస్‌కు చెందిన 54 విమానాలు శాశ్వతంగా గ్రౌండ్ అయ్యాయి.
ఢిల్లీ, ముంబై నుంచి విదేశాలకు వెళ్లే జెట్ ఎయిర్‌వేస్ విమానాలను పూర్తిగా రద్దు చేస్తున్నట్లు ఆ సంస్థ వెల్లడించింది. పుణె టు సింగపూర్‌, పుణు టు అబుదాబి విమానాలను రద్దు చేశారు. ముంబై టు మాంచెస్టర్ సర్వీసులను ఇప్పటికే నిలిపేశారు. నరేశ్ గోయల్‌కు చెందిన జెట్ ఎయిర్‌వేస్ సంస్థ నిధుల కోసం తీవ్రంగా అన్వేషిస్తున్నది.
జెట్ సంస్థ పైలట్లు.. ప్రధాని మోదీతో పాటు పౌర విమానయానశాఖ మంత్రి సురేశ్ ప్రభుకు తాజాగా లేఖ రాశారు. తమకు జీతాలు ఇప్పించాలని వాళ్లు ఆ లేఖలో కోరారు. జెట్ ఎయిర్‌వేస్ దివాళా దశకు చేరుకున్నదని, దీని వల్ల వేల మంది ఉద్యోగాలు కోల్పోనున్నన్నారని, దానితో విమాన ప్రయాణ ఖర్చులు కూడా పెరుగుతాయని పైలట్ల సంఘం తమ లేఖలో పేర్కొన్నది.
అందాలు ఆరబోస్తే తప్పేంటి ? : హీరోయిన్