telugu navyamedia
ట్రెండింగ్ హాస్యం

టీ తాగిన తర్వాత నీళ్లు తాగితే పళ్లు ఊడతాయనేది నిజమేనా…!?

Coffee

ఉదయం నిద్రలేవగానే టీ, కాఫీలు తాగడం చాలామందికి అలవాటు. అవి తాగితేనే గాని వారు రోజంతా ఉత్సాహంగా ఉండలేరు. పైగా, టీ, కాఫీలు ఒత్తిడి, అలసట నుంచి ఉపశమనం ఇస్తాయని నమ్ముతారు. తలనొప్పిగా ఉన్నా, మగతగా ఉన్నా చాలామంది టీ తాగి కాస్త రిలాక్స్ అవుతారు. కొందరికి టీ, కాఫీ తాగిన వెంటనే నీళ్లు తాగే అలవాటు ఉంటుంది. వేడి వేడి టీ తాగిన తర్వాత నీళ్లు తాగితే పండ్లను కదిలిస్తాయని, ఫలితంగా త్వరగా దంతాలు ఊడిపోతాయని అంటారు. దీనిపై మీకు ఎలాంటి చింత అవసరం లేదు. అంతగా అనుమానం ఉంటే… టీ తాగిన మూడు నిమిషాల తర్వాత నీళ్లు తాగండి. లేదా నీళ్లు బాగా పుకిలించండి. దీనివల్ల నోరు శుభ్రం కావడమే కాకుండా దంతాలు గార పట్టకుండా ఉంటాయి. అలాగే, టీవీ కాఫీలు తాగే ముందు నీళ్లు తాగడం కూడా మంచిదే.

* టీ కాఫీల్లో కెఫిన్‌ స్థాయిలు ఎక్కువగా ఉంటాయి. ఇవి క్యాన్సర్, ఉబకాయాన్ని నివారిస్తాయి. కానీ, వీటిలో కెఫిన్‌తోపాటు ఫ్లోరైడ్ కూడా ఎక్కువగా ఉంటుంది. అలాగే పళ్లను గార పట్టించే టానిన్ పదార్థాలు ఉంటాయి. కాబట్టి, టీ తర్వాత నోటిని నీళ్లతో పుకిలించడం మంచిది.
* ఆహారం లేదా టీ, కాఫీ, పాలు, నీళ్లను వేడి వేడిగా తీసుకోకూడదు. అలా చేస్తే నోటి నుంచి అన్నవాహిక వరకు ఉండే ఏరో డైజస్టివ్ సిస్టమ్‌పై ఉండే పొర దెబ్బతింటుంది. అవి తాగే ముందు కొన్ని నీళ్లు తాగితే ఆ ప్రమాదం తప్పుతుంది.
* టీ, కాఫీ, పాలు తాగే ముందు నీళ్లు తాగడం మంచిది. దీని వల్ల నాలుక మీద ఉండే టేస్ట్ బడ్స్ దెబ్బతినకుండా ఉంటాయి. ముందుగా నీళ్లు తాగడం వల్ల అవి కాస్త ఉష్ణోగ్రతను భరించగలుగుతాయి.
* కాఫీ పొడిలో టీ కంటే ఎక్కువ శాతం కెఫిన్‌ ఉంటుంది. నాణ్యమైన కాఫీని మితంగా తాగే అలవాటున్న వాళ్లకు క్యాన్సర్‌, గుండె జబ్బులు, ఆల్జీమర్స్‌ రావు. అయితే, ఎక్కువ మోతాదులో తాగితే మాత్రం కెఫిన్ స్థాయిలు పెరిగి కాలేయ సంబంధిత వ్యాధులు రావచ్చని హెచ్చరిస్తున్నారు. ఎక్కువ టీ, కాఫీలు తాగేవారు ముందుగానే కొన్ని నీళ్లు తాగితే మంచిది.
* టీలో ఉండే డికాషన్ నేచురల్ కలర్‌గా పనిచేస్తాయి. అందుకే వాటిని హెయిర్ డైస్‌లో ఎక్కువగా వాడతారు. మరి అలాంటి టీని నేరుగా తాగితే పండ్లకు కూడా ఆ రంగు అంటుకుంటుంది. అందుకే టీ తగడానికి ముందు లేదా తర్వాత నీళ్లు తాగడం ఉత్తమం.
* టీ, కాఫీలు ఎసిడీటీ కలిగిస్తాయి. వాటి వల్ల దంతాలు పాడయ్యే ప్రమాదం ఉంది. ఎసిడిటీ వల్ల కడుపు, గొంతులో కూడా సమస్యలు ఏర్పడతాయి. నీళ్లు తాగిన తర్వాత టీ, కాఫీలు తీసుకుంటే ఏ సమస్య ఉండదు.
* టీలో కెఫిన్‌, ధియామిన్‌ లాంటి రసాయనాలు ఉంటాయి. అందుకే వాటిని అతిగా తాగడం మంచిది కాదు. టీ తాగేముందు ముందు లేదా తర్వాత నీళ్లు తాగితే విషతుల్యాలను మూత్రం రూపంలో బయటకు పంపండం వీలవుతుంది. అయితే, టీ తాగిన 5 నిమిషాల తర్వాత నీళ్లు తాగడం మంచిది.

Related posts