“బిగ్ బాస్” గురించి ఎవరికీ తెలియని షాకింగ్ సీక్రెట్స్…!!

105 రోజుల బిగ్ బాస్ నాగార్జున హోస్ట్‌గా 17 మంది కంటెస్టెంట్స్‌తో జూలై 21 ప్రారంభమైన బుల్లితెర బిగ్గెస్ట్ రియాలిటీ షో బిగ్ బాస్‌ సీజన్ 3‌లో ఆదివారం నాడు విజేతను ప్రకటించారు. బిగ్‌బాస్‌ తెలుగు 3 టైటిల్‌ను సింగర్ రాహుల్‌ సిప్లిగంజ్‌ గెలుచుకున్నారు. అందులో భాగంగా మెగాస్టార్ చిరంజీవి చేతుల మీదుగా రాహుల్ రూ.50లక్షల నగదు బహుమతిని దానితో పాటు ఓ ట్రోఫీని అందుకున్న విషయం తెలిసిందే. అయితే బిగ్‌బాస్ తెలుగు రాష్ట్రాల్లో, నార్త్ ఇండియాలో హిట్ అయినంతగా మరెక్కడా అవ్వలేదు. అయితే ఈ బిగ్‌బాస్ గురించి మీకు తెలీని కొన్ని ఇంట్రెస్టింగ్ పాయింట్స్…

1. నిజానికి బిగ్ ‌బాస్ షోలో పాల్గొనే సెలబ్రిటీలు వండనక్కర్లేదు, హౌస్‌ను క్లీన్ చేయనక్కర్లేదట. ఎప్పుడో ఒకసారి టాస్క్‌లో భాగంగా వండుకోవడమే కానీ వాళ్లు అసలు ఇలాంటి పనులు చేయరట. కంటెస్టెంట్స్‌కు వండిపెట్టడానికి ఓ కుక్, హౌస్ క్లీనర్ ఉంటారట.

2. బిగ్‌బాస్ హౌజ్‌లో జరిగే ప్రతీ విషయాన్ని మనకు అన్ని ఎపిసోడ్లలో చూపిస్తామని అంటారు కానీ అంత సీన్లేదు. 24 గంటలు కెమెరాలు పనిచేసినా కొన్నింటిని మాత్రమే ఎడిట్ చేసి చూపిస్తారు. నిజానికి మనకు తెలీనివి బిగ్‌బాస్‌లో చాలా జరుగుతూ ఉంటాయి.

3. ఇలాంటి షోలను ఇంటిల్లిపాదీ చూస్తారు. అలాంటప్పుడు కొన్ని రూల్స్ ఫాలో అవ్వాలి. కానీ హిందీ బిగ్ బాస్ కంటెస్టెంట్స్‌ చిల్ అవ్వడానికి ఆల్కహాల్ కూడా ఇస్తారట. ఇప్పుడు ఈ కల్చర్ అక్కడ సాధారణం అయిపోయింది.

4. బిగ్ బాస్ షోలో పాల్గొనే కొందరు కంటెస్టెంట్ల మధ్య ఉన్నట్టుండి ప్రేమ పడుతుంది. నిజంగానే ప్రేమించుకున్నట్లు యాక్ట్ చేస్తుంటారు. కానీ ఇలా చేయాలని బిగ్‌బాస్ నిర్వాహకులు ముందుగానే చెప్తారు. ఓసారి హిందీ బిగ్‌బాస్ సీజన్‌లో సారా ఖాన్, అలీ మర్చెంట్ అనే ఇద్దరు కంటెస్టెంట్లు గాఢంగా ప్రేమించుకున్నట్లు చూపించారు. వారిద్దరికీ హౌస్‌లోనే పెళ్లి చేశారు. అయితే ఇలా చేయడానికి సారా, అలీ రూ.50 లక్షలు తీసుకున్నారట.

5. ఈ షోను ఎక్స్‌టర్నల్ ఆడిటర్స్ ఆడిట్ చేస్తారు. పబ్లిక్ ఓటింగ్ ఉన్నప్పుడు ఎక్కడా రిగ్గింగ్ జరగకుండా ఎక్స్‌టర్నల్ ఆడిటర్‌ను నియమిస్తారు. ఆడిటర్లు సల్మాన్ ఖాన్‌ను కలవాల్సి వచ్చినప్పుడు వారి కళ్లకు గంతలు కట్టి స్టేజ్‌పైకి తీసుకొస్తారు. ఇలా చేస్తే వారు ఏ కంటెస్టెంట్‌కూ సైగలు చేసే అవకాశం ఉండదట.

6. బిగ్‌బాస్ ముందు పుట్టింది నెదర్లాండ్స్‌లో. బిగ్ బ్రదర్ పేరిట జాన్ దెమోల్ అనే మీడియా టైకూన్ ఈ షోను ప్రారంభించాడు. ఈ షోలో బాలీవుడ్ నటి శిల్పా శెట్టి పాల్గొని నెగ్గడం మన దేశానికే గర్వకారణం.

7. ఆ తర్వాత బిగ్‌బాస్ పేరుతో ఈ రియాల్టీ షోను హిందీ ప్రేక్షకులకు పరిచయం చేశారు. ఈ షో కోసం ముంబయిలోని ఖరీదైన లోనావాలా ప్రదేశంలో ఓ భారీ విల్లాను నిర్మించారు.

8. బిగ్ బాస్ సీజన్ 1, 2, 3, 4, 6, 7, 8, 9, 10, 11, 12 వరకు ఈ లోనవాలా హౌస్‌లోనే షూట్ చేశారు. కర్జాత్, గుడ్‌గావ్ ప్రాంతాల్లో కొన్ని సీజన్లను తెరకెక్కించారు.

9. బిగ్‌బాస్‌ షోను తొలిసారి హోస్ట్ చేసింది బాలీవుడ్ నటుడు అర్షద్ వార్సి. ఆ తర్వాత బిగ్ బ్రదర్ షోలో విన్నర్‌గా నెగ్గిన శిల్పా శెట్టిని రెండో సీజన్‌కు హోస్ట్‌గా పెట్టారు. మూడో సీజన్‌కు అమితాబ్ బచ్చన్ హోస్ట్ చేశారు. ఆ తర్వాత నుంచి ఇప్పటివరకు సల్మాన్ ఖానే హోస్ట్‌గా వ్యవహరిస్తున్నారు.

10. ఈ షోకు ఉత్తరాదిన మంచి స్పందన వస్తోందని కన్నడ, బెంగాలీ ప్రేక్షకులకు కూడా పరిచయం చేయాలనుకున్నారు. అలా కన్నడకు కిచ్చా సుదీప్, బెంగాలీకి మిథున్ చక్రవర్తి హోస్ట్‌లుగా వ్యవహరించారు. కన్నడలో మొదటి సీజనే హిట్ అయింది. కానీ బెంగాలీ వెర్షన్ ఫ్లాప్ అయింది.

11. 2017లో తెలుగు, తమిళ వెర్షన్‌ను కూడా క్రియేట్ చేశారు. తెలుగులో ఇప్పటివరకు మూడు సీజన్లు వచ్చాయి. మొదటి సీజన్‌కు ఎన్టీఆర్, రెండో సీజన్‌కు నాని, మూడో సీజన్‌కు నాగార్జున హోస్ట్‌లుగా వ్యవహరించారు. తమిళంలో మొదటి సీజన్ నుంచి కమల్ హాసన్ హోస్ట్ చేస్తున్నారు. ఆ తర్వాత మరాఠీ, మలయాళం భాషల్లోనూ ప్రసారం అవుతూ వస్తోంది.

12. ముంబయిలోని లోనావాలాలో తొలి బిగ్‌బాస్ హౌస్‌ను కోట్లు ఖర్చుపెట్టి నిర్మించారు. కొన్ని కన్నడ, తెలుగు, తమిళ షోలు మొదట ఇక్కడే షూట్ చేశారు. అయితే ఈ హౌస్‌ను కట్టిన మొదట్లో చాలా మంది కంటెస్టెంట్లు భయపడ్డారు. ఎందుకంటే ఈ హౌస్ చూడటానికి హాంటెడ్ హౌజ్‌గా ఉంటుందట. రాత్రి వేళల్లో విచిత్రమైన సౌండ్స్ వస్తున్నాయని మొదట్లో కంటెస్టెంట్స్ భయపడేవారట.