telugu navyamedia
రాజకీయ వార్తలు సామాజిక

ఇండొనేషియా వాసుల రాకతోనే పెరిగిన కరోనా కేసులు!

karona chekup hospital

ఇండొనేషియా వాసుల రాకతోనే తెలుగు రాష్ట్రాల్లో కరోనా కేసులు పెరిగాయని ఉన్నతాధికారులు అంటున్నారు. దాదాపు 17 రోజుల క్రితం ఇండోనేషియా నుంచి రామగుండం, కరీంనగర్ ప్రాంతానికి వచ్చిన ఇండోనేషియా వాసులందరికీ కరోనా పాజిటివ్ అని తేలింది. రెండు తెలుగు రాష్ట్రాలతో పాటు, దేశానికే పెను ప్రమాదాన్ని ఇండోనేషియా నుంచే మోసుకుని వచ్చారని విచారణలో తేలింది. మొత్తం 10 మంది 9వ తేదీన న్యూఢిల్లీకి రాగా, అప్పటికే కొందరికి కరోనా సోకింది. స్క్రీనింగ్ లో బయటపడకుండా ఉండేందుకు ఒక్కొక్కరూ నాలుగైదు పారాసిటమాల్ టాబ్లెట్లు వేసుకున్నారని పోలీసులు తేల్చారు.

ఢిల్లీ వీధుల్లో యథేచ్ఛగా తిరిగిన వీరు, 13న సంపర్క్ క్రాంతిఎక్స్ ప్రెస్ ఎక్కి రామగుండం వచ్చారు. అక్కడి నుంచి కరీంనగర్ చేరుకున్న తరువాత ఒకరిలో కరోనా లక్షణాలు బయటపడ్డాయి. ఆపై అందరికీ వ్యాధి సోకినట్టు తేలింది. వీరిని కలిసిన తెలంగాణలోని 500 మంది ఇంకా హోమ్ క్వారంటైన్ లో ఉండగా, మరికొందరు ఆసుపత్రుల్లో ఉన్నారు. వీరు ప్రయాణించిన రైలు బోగీలో 82 మంది ఉండగా, వారిలో పలువురు గద్వాల, కర్నూలు, తిరుపతి తదితర ప్రాంతాల్లో దిగగా, వారందరినీ గుర్తించి, వారు కలిసిన వారిని కూడా క్వారంటైన్ లో ఉంచారు. 

Related posts