telugu navyamedia
ట్రెండింగ్ వ్యాపార వార్తలు సాంకేతిక

టిక్ టాక్ కు ఒక్కరోజులోనే రూ.45 వేల కోట్ల భారీ నష్టం

Tik-Tok

మనదేశంలో నిషేధం ఎదురవ్వడంతో టిక్ టాక్ భారీ నష్టాలను చవిచూసింది. ఆ సంస్థ మాతృసంస్థ బైట్ డ్యాన్స్ టిక్ టాక్ పై నిషేధం కారణంగా ఏకంగా 6 బిలియన్ డాలర్లు (సుమారు రూ.45,000 కోట్లు) నష్టపోయినట్లు తెలుస్తోంది. మిగతా 58 యాప్స్ మొత్తం నష్టాన్ని కలిపినా ఇంత మొత్తం అవ్వలేదని చైనాకు చెందిన ఓ మీడియా సంస్థ తెలిపింది. విదేశాల్లో ఎంతో వేగంగా ఎదిగిన చైనా టెక్నాలజీ కంపెనీల్లో బైట్ డ్యాన్స్ కూడా ఒకటి. ఈ యాప్ లో డేటా భద్రతపై అనేకదేశాల్లో సందేహాలు కూడా తలెత్తాయి. ప్రస్తుతం టిక్ టాక్ ప్రపంచంలోని ఇతర మార్కెట్లలో కూడా వేగంగా ఎదుగుతోంది. ఇటువంటి సమయంలో ఈ నిషేధం కచ్చితంగా ఆ కంపెనీని దెబ్బ తీసే అంశమే. బైట్ డ్యాన్స్ కు చెందిన విగో వీడియో, సోషల్ నెట్ వర్కింగ్ యాప్ హెలో కూడా బ్యాన్ అయ్యాయి. అలాగే టెన్సెంట్ కంపెనీకి చెందిన మెసేజింగ్ ప్లాట్ ఫాం వుయ్ చాట్, మరో ఐదు ఇతర యాప్స్ కూడా బ్యాన్ అయ్యాయి. అలాగే చైనా పెద్ద సంస్థలైన అలీబాబా గ్రూప్, బైదుకి చెందిన యాప్స్ కూడా మనదేశంలో బ్యాన్ అయ్యాయి. మనదేశంలో ఈ సంవత్సరం మొదటి సంవత్సరంలో టిక్ టాక్ 61.1 కోట్ల సార్లు డౌన్ లోడ్ అయింది. ప్రపంచవ్యాప్తంగా అయిన డౌన్ లోడ్లలో అది 30.3 శాతం కావడం విశేషం. 2019లో అయిన డౌన్ లోడ్లకు ఇది రెట్టింపు. భారత ప్రభుత్వ నిర్ణయానికి పూర్తిగా లోబడి ఉన్నట్లు టిక్ టాక్ తెలిపింది. ప్రస్తుతం బైట్ డ్యాన్స్ కంపెనీలో మనదేశంలో 2000 మందికి పైగా పనిచేస్తున్నారు.

Related posts