రాష్ట్రంలో బ్లాక్‌ డెవలప్‌మెంట్‌ కౌన్సిల్‌ ఎన్నికల్లో స్వతంత్ర అభ్యర్థులు సత్తాచాటారు. కేంద్ర ప్రభుత్వం జమ్మూ కశ్మీర్‌కు స్వయం ప్రతిపత్తి కల్పిస్తున్న ఆర్టికల్‌ 370ని రద్దు చేసిన తరువాత అక్కడ జరుగుతున్న తొలి ఎన్నిక కావడంతో ఫలితాలపై అందరికి ఆసక్తి నెలకొంది. ఈ ఎన్నికల్లో ఏకంగా 217కు పైగా స్వతంత్ర అభ్యర్థులు విజయం సాధించారు. బీజేపీ 81 బ్లాక్‌లను కైవసం చేసుకుంది. జమ్మూ రీజియన్‌లో మూడోవంతు స్థానాల్లో గెలుపొందిన బీజేపీ.. కశ్మీర్‌ రీజియన్‌లో మాత్రం ప్రభావం చూపలేకపోయింది. ఈ ఎన్నికలకు ప్రధాన పార్టీలైన నేషనల్‌ కాన్ఫరెన్స్‌, పీడీపీ, కాంగ్రెస్‌లు దూరంగా ఉన్నాయి.
కాంగ్రెస్ ఈ నిర్ణయం తీసుకోకముందే.. ఆ పార్టీకి చెందిన ఓ అభ్యర్థి నామినేషన్‌ దాఖలు చేశారు. అయితే ఆ బ్లాక్‌లో కాంగ్రెస్ అభ్యర్థే గెలుపొందారు. అలాగే జేకేఎన్‌పీపీ పార్టీ 8 భ్లాకుల్లో విజయం సాధించింది. జమ్మూ కశ్మీర్‌లో మొత్తం 316 బ్లాక్‌లు ఉన్నప్పటికీ.. కొన్ని కారణాల వల్ల 6 స్థానాల్లో ఎన్నికలు జరగలేదు. 310 బ్లాక్‌లకు ఎన్నికలు నోటిఫికేషన్‌ విడుదల కాగా, అందులో 27 బ్లాక్‌లలో అభ్యర్థులు ఏకగ్రీవంగా ఎన్నికయ్యారు. మిగతా 283 బ్లాకులకు పోలింగ్‌ జరగింది. అందులో 280 బ్లాక్‌ల ఫలితాలను వెలువడగా.. మరో 3 బ్లాక్‌ల ఫలితాలు పెండింగ్‌లో ఉన్నాయి. ఈ ఎన్నికల్లో రికార్డు స్థాయిలో 98.3 శాతం పోలింగ్‌ నమోదైంది.
రీజియన్‌ల వారీగా ఫలితాలు :
* కశ్మీర్‌ రీజియన్‌లోని 128 బ్లాక్‌లు.. బీజేపీ-18, స్వతంత్రులు-109, కాంగ్రెస్-1
* లదాఖ్‌ రీజియన్‌లో 31 బ్లాక్‌లు.. బీజేపీ -11, స్వతంత్రులు-20
* జమ్మూ రీజియన్‌లో 151 బ్లాక్‌లు.. బీజేపీ-52, జేకేఎన్‌పీపీ-8, స్వతంత్రులు-88, మూడు స్థానాల్లో ఫలితాలు వెలువడాల్సి ఉంది.
అమరావతిని అభివృద్ధి చేయాలని ఆకాంక్షించా: చంద్రబాబు