దేశవ్యాప్తంగా పలు ప్రాంతాల్లో కురుస్తోన్న కుండపోత వర్షాలకు చాలా ప్రాంతాలు జల దిగ్బంధంలో ఉన్నాయి. వాగులు, వంకలు పొంగి పొర్లుతుండటంతో పలుచోట్ల రాకపోకలు స్తంభించాయి. ఈ నేపథ్యంలో ఛత్తీస్‌గఢ్‌లోని బిలాస్‌పూర్‌ సమీపంలో ఖుతాఘాట్‌ ప్రాంతంలో భారీ వరదలో ఓ వ్యక్తి చిక్కుకుపోయాడు. వరదలో తనను తాను రక్షించుకోవటానికి ఓ చెట్టు కొమ్మను పట్టుకుని అలాగే ఉండిపోయాడు. నిన్న సాయంత్రం నుంచి ఈరోజు ఉదయం వరకు అక్కడే ఉన్నాడు. దీంతో విమానంతో అక్కడకు చేరుకున్న వైమానిక దళ సిబ్బంది తాడును కిందకు వదిలి అతడి ప్రాణాలను కాపాడారు. ఇందుకు సంబంధించిన దృశ్యాలను కొందరు తమ స్మార్ట్‌ఫోన్లలో చిత్రీకరించారు. ప్రస్తుతం ఈ వీడియో వైరల్ గా మారింది.
#WATCH Indian Air Force (IAF) chopper today rescued a man at Khutaghat Dam near Bilaspur in Chhattisgarh. Due to heavy flow in the dam, IAF was requested to carry out a rescue operation: Dipanshu Kabra, IG Bilaspur Range (Video source-Bilaspur Police) pic.twitter.com/IaGddp2gt6
— ANI (@ANI) August 17, 2020