telugu-movies

తెలుగు స్పైస్ కు ఉత్తరాది ప్రేక్షకులు ఫిదా

18

మన తెలుగు చిత్రాలకు హిందీలో మంచి ప్రేక్షకాదరణ లభిస్తోంది. ముఖ్యంగా యాక్షన్ చిత్రాలకు… హిందీలో డబ్ అయిన మన తెలుగు సినిమా మంచి విజయాన్ని సాధిస్తున్నాయి. ఎన్నో ఏళ్లుగా ముంబై సినిమా మార్కెట్ ను ఏలుతున్న ఖాన్ త్రయాన్ని వెనక్కి నెడుతూ మన “బాహుబలి” చిత్రం భారీ విజయాన్ని సాధించింది అక్కడ. బాహుబలి దారిలోనే మిగతా హీరోలు కూడా నడుస్తున్నారు. బాహుబలితో ప్రభాస్ బాలీవుడ్ వెండితెరపై తళుక్కున మెరిస్తే, అల్లుఅర్జున్, నితిన్ బుల్లితెరపై అంటే యూ ట్యూబ్ లో తమ సత్తా చాటుతున్నారు.

అల్లుఅర్జున్ నటించిన “సరైనోడు” హిందీ డబ్బింగ్ సినిమా 180 మిలియన్ వ్యూస్ సంపాదించి కొత్త రికార్డు క్రియేట్ చేసింది. ఇక “డీజే” హిందీ డబ్బింగ్ కు 160కి పైగా మిలియన్ వ్యూస్ వచ్చాయి. మనదగ్గర ఫ్లాప్ టాక్ తెచ్చుకున్న సినిమాలు అక్కడ హిట్ అవుతున్నాయి. నితిన్ నటించిన “లై” చిత్రం తెలుగులో ఫ్లాప్ అయ్యింది. కానీ “లై” హిందీ డబ్బింగ్ యూ ట్యూబ్ లో అప్లోడ్ అయిన 6 నెలల్లోనే 52 మిళియన్లకు పైగా వ్యూస్ సంపాదించింది. నితిన్ మరో సినిమా “చిన్నదానా నీ కోసం” హిందీ డబ్బింగ్ చిత్రానికి 26 మిలియన్లకు పైగా వ్యూస్ సంపాదించింది.

రామ్, గోపీచంద్ నటించిన యాక్షన్ సినిమాలకు కూడా అక్కడి ప్రేక్షకుల్లో మంచి ఆదరణ లభిస్తోంది. దీంతో తెలుగు సినిమాలు సెట్స్ లో ఉండగానే హిందీ హక్కుల కోసం వాలిపోతున్నారు ఉత్తరాది నిర్మాతలు. ఇక్కడ ఫట్ అన్న సినిమాలు అక్కడ మాత్రం హిట్ అవుతున్నాయి.