telugu navyamedia
క్రైమ్ వార్తలు తెలంగాణ వార్తలు వార్తలు

పీవీపీకి హైకోర్టులో ఊరట.. బెయిల్‌పై మధ్యంతర ఉత్తర్వులు

PVP ycp

వైసీపీ నేత, సినీ నిర్మాత పొట్లూరి వర ప్రసాద్‌(పీవీపీ)పై ఇటీవల హైదరాబాద్‌లోని బంజారాహిల్స్ పోలీసు స్టేషనులో పలు సెక్షన్ల కింద కేసులు నమోదైన విషయం తెలిసిందే. తన ఇంటి నిర్మాణాన్ని అడ్డుకుని ఆయన దౌర్జన్యానికి పాల్పడుతున్నారని ఓ వ్యక్తి ఇటీవల చేసిన ఫిర్యాదు మేరకు దర్యాప్తు జరుగుతోంది. ఈ కేసుల విషయంలో ఆయనకు ఈ రోజు తెలంగాణ హైకోర్టులో ఊరట లభించింది.

ఈ కేసులో పోలీసు విచారణకు హాజరుకాకుండా ముందస్తు బెయిల్‌ కోసం హైకోర్టులో ఆయన దాఖలు చేసిన పిటిషన్‌ పై ఈ రోజు హైకోర్టు లో విచారణ జరిగింది. విచారణ చేపట్టిన హైకోర్టు బెయిల్‌పై మధ్యంతర ఉత్తర్వులు జారీ చేసింది. ఈ కేసులో తదుపరి ఆదేశాలిచ్చే వరకు పీవీపీని అరెస్టు చేయవద్దని కోర్టు పోలీసులను ఆదేశించింది. ఇందుకు సంబంధించి పోలీసులకు నోటీసులు జారీ చేసింది. ఈ కేసులో తదుపరి విచారణను ఈ నెల 27కు వాయిదా వేస్తున్నట్లు హైకోర్టు పేర్కొంది.

Related posts