ఏపీకి మరోసారి భారీ వర్ష సూచన ఉన్నట్టు వాతావరణ శాఖ తెలిపింది. వచ్చే నాలుగు రోజుల్లో ఏపీలో పలు ప్రాంతాల్లో భారీ నుంచి అతి భారీ వర్షాలు పడతాయని వాతావరణ శాఖ వెల్లడించింది. బంగాళాఖాతంలో ఏర్పడిన తీవ్ర అల్పపీడనం… వాయుగుండంగా మారి, రేపటికి తీవ్ర వాయుగుండంగా మారే అవకాశం ఉందని… ఇది ఉత్తరాంధ్రలో తీరం దాటే అవకాశం ఉందని చెప్పింది. తీవ్ర వాయుగుండం కోస్తా జిల్లాలపై ఎక్కువ ప్రభావం చూపుతుందని, ముఖ్యంగా ఉభయ గోదావరి, కృష్ణా జిల్లాలపై ఎక్కువ తీవ్రత ఉంటుందని అంచనా వేసింది.
కోస్తా, రాయలసీమ జిల్లాలకు రెడ్‌, ఆరెంజ్‌, ఎల్లో హెచ్చరికలు కూడా జారీ అయ్యాయి. ఇప్పటికే ఏపీలోని పలు జిల్లాల్లో వర్షాలు పడుతున్నాయి. వాయుగుండం ప్రభావంతో వచ్చే నాలుగు రోజులు మరింత విస్తారంగా వర్షాలు పడతాయని వాతావరణ శాఖ వెల్లడించడంతో… రైతులు ఆందోళన చెందుతున్నారు. కోస్తా తీరంలో గంటకు 45 నుంచి 65 కిలోమీటర్ల వేగంతో గాలులు వీస్తాయని… మత్స్యకారులు సముద్రంలో వేటకు వెళ్లొద్దనే హెచ్చరికలు కూడా జారీ చేశారు. మరోవైపు… బంగాళాఖాతంలో ఈ నెల 14న మరో అల్పపీడనం ఏర్పడే అవకాశం కూడా ఉందని వాతావరణ శాఖ అంచనా వేస్తోంది.
ఏపీలో కాంగ్రెస్ తుడిచిపెట్టుకుపోయింది.. రేపు వైసీపీకీ ఇదే గతి పడుతుంది:కన్నా