వంట ఇంటి పోపు దినుసుల్లో మెంతులు కూడా ఒక‌టి. మెంతులతో కూర‌ల‌కు చ‌క్క‌ని రుచి, వాస‌న వ‌స్తాయి. మెంతుల‌ను చాలా మంది ప‌చ్చ‌ళ్ల త‌యారీలో ఉప‌యోగిస్తుంటారు. నిజానికి మెంతులతో మ‌న‌కు అనేక రకాల ఆరోగ్య‌క‌ర ప్రయోజనాలు క‌లుగుతాయి. అవేమిటో తెలుసుకుందాం…!
* ఒక టీస్పూన్ మెంతి పొడిని ఒక గ్లాస్ నీటిలో క‌లుపుకుని భోజ‌నానికి ముందు తీసుకుంటే గ్యాస్‌, అసిడిటీ, జీర్ణ స‌మ‌స్య‌లు పోతాయి. మ‌ధుమేహం నియంత్ర‌ణ‌లోకి వ‌స్తుంది.
* మెంతుల‌ను వాడడం వ‌ల్ల మ‌హిళ‌ల‌కు రుతు స‌మ‌యంలో వ‌చ్చే స‌మ‌స్య‌ల నుంచి ఉప‌శ‌మ‌నం ల‌భిస్తుంది. బాలింత‌ల్లో పాలు ఎక్కువ‌గా ప‌డాలంటే మెంతుల‌ను ఉప‌యోగించాలి.
* చ‌ర్మ స‌మ‌స్య‌లు, చ‌ర్మంపై వ‌చ్చే ఇన్‌ఫెక్ష‌న్ల‌ను తగ్గించ‌డంలో మెంతులు బాగా ప‌నిచేస్తాయి. అలాగే జ్వ‌రం, గొంతు నొప్పి సమ‌స్య‌ల‌కు కూడా మెంతులు బాగా ప‌నిచేస్తాయి.
* శ‌రీరంలో పేరుకుపోయిన చెడు కొలెస్ట్రాల్‌ను క‌రిగించ‌డంలో, అధిక బ‌రువును త‌గ్గించ‌డంలోనూ మెంతులు బాగా ప‌నిచేస్తాయి.