బుమ్రా ఎక్కువ కాలం క్రికెట్ ఆడుతాడో లేదో చెప్పడం కష్టమేనన్నాడు న్యూజిలాండ్ దిగ్గజ క్రికెటర్ రిచర్డ్ హెడ్లీ . అయితే ఆ విభిన్న బౌలింగ్ టెక్నికే బుమ్రా అసాధారణ బౌలర్‌గా నిలబెట్టిందని ప్రశంసించాడు. జూన్ 18-22వరకు కివీస్, భారత జట్టు మధ్య ప్రపంచటెస్టు చాంపియన్షిప్ ఫైనల్ జరగనున్న నేపథ్యంలో ఇంటర్నేషనల్ క్రికెట్ కౌన్సిల్(ఐసీసీ)కు ఇచ్చిన ఇంటర్వ్యూలో రిచర్డ్ హెడ్లీ ఆసక్తికర వ్యాఖ్యలు చేశాడు. ‘బుమ్రా ఎక్కువ పరుగెత్తకుండానే అద్భుతమైన టెక్నిక్తో బౌలింగ్ చేస్తాడు. అది నమ్మశక్యంగా లేకపోయినా, ఎంతో ప్రభావితంగా ఉంటుందని నిరూపించాడు. బంతిని విసిరేటప్పుడు చివరిక్షణంలో తన పూర్తి శక్తిని ఉపయోగిస్తాడు. భుజ బలంతోనే బంతిని వేగంగా విసురుతాడు.’అని హెడ్లీ చెప్పుకొచ్చాడు. అయితే బుమ్రాకు ఉన్న అసాధారణమైన బౌలింగ్ టెక్నిక్ వల్ల అతను ఎక్కువగా గాయాల బారిన పడే అవకాశముందని తెలిపాడు. “బుమ్రా సుదీర్ఘ కాలం ఆడుతాడా లేదా అనేది చెప్పడం కష్టం. అతని విభిన్నమైన బౌలింగ్ టెక్నిక్ వల్ల ఎక్కువగా గాయాలకు గురి అవుతాడని అనుకుంటున్నా.’అని హెడ్లీ సందేహం వ్యక్తం చేశాడు.
బుమ్రా ఎక్కువ కాలం ఆడుతాడా లేదా అనేది చెప్పడం కష్టం…
