అమెరికాలో ఉద్యోగం కోసం పొందే హెచ్‌1బీ వీసాదారులకు ట్రంప్ సర్కార్ కాస్త ఊరట కల్పించింది. హెచ్‌1బీ వీసాదారులు తమ పాత ఉద్యోగాన్ని కొన‌సాగించేందుకు అనుమ‌తి ఇచ్చింది. హెచ్‌1బీతోపాటు వివిధ రకాల విదేశీ వర్క్‌ వీసాలను ఈ ఏడాది డిసెంబరు వరకూ రద్దు చేస్తూ అమెరికా అధ్యక్షుడు ట్రంప్ ఇప్పటికే నిర్ణయం తీసుకున్న విషయం తెలిసిందే.
హెచ్‌1బీ వీసాలపై నిషేధానికి ముందు ఏ ఉద్యోగం చేశారో, అదే ఉద్యోగంలో కొన‌సాగేందుకు అనుమ‌తి ఇస్తూ అమెరికా నిర్ణయం తీసుకుంది. అలాగే ఆ వీసాదారులపై ఆధార‌ప‌డేవాళ్లు, వారి జీవిత భాగ‌స్వాములు, పిల్ల‌లు అగ్రరాజ్యం ప్ర‌యాణం చేసేందుకు అనుమ‌తి కల్పించారు. కరోనా వ్యాప్తి కారణంగా కుదేలైన ఆర్థిక వ్యవస్థను తిరిగి గాడిలో పెట్టేందుకు ఈ వీసాలతో ఉన్న విదేశీ టెక్నిక‌ల్ స్పెష‌లిస్టులు, సీనియ‌ర్ లెవ‌ల్ మేనేజ‌ర్ల సేవలు ఎంతగానో అవ‌స‌రముందని అమెరికా పేర్కొంది.
రాజధానిలో రియల్‌ రంగం పడిపోయింది: చంద్రబాబు