రంజాన్ ప్రార్థనల కోసం ముందుగానే కార్యాలయాల నుంచి వెళ్లేందుకు అనుమతి

రంజాన్‌ సందర్భంగా ముస్లిం ఉద్యోగులు సాయంత్రం 4 గంటలకు తమ కార్యాలయాల నుంచి వెళ్లి ప్రార్థనలు చేసేందుకు రాష్ట్ర ప్రభుత్వం అనుమతించింది.

ఈ మేరకు ప్రభుత్వ ప్రధాన కార్యదర్శి శాంతికుమారి ఉత్తర్వులు జారీ చేశారు.

రాష్ట్రంలో పనిచేస్తున్న ప్రభుత్వ ముస్లిం ఉద్యోగులు, ఉపాధ్యాయులు, కాంట్రాక్ట్, ఔట్ సోర్సింగ్, కార్పొరేషన్లు మరియు ప్రభుత్వ రంగ ఉద్యోగులందరూ మార్చి 2 నుండి మార్చి 31 వరకు సాయంత్రం 4 గంటలకు తమ కార్యాలయాన్ని విడిచిపెట్టడానికి అనుమతించబడ్డారు.

అయితే, అత్యవసర పరిస్థితి ఏర్పడినప్పుడు మరియు ఉద్యోగుల హాజరు అవసరమైనప్పుడు, వారు విధులకు హాజరుకావలసి ఉంటుందని ఉత్తర్వుల్లో పేర్కొంది.