ఆలేరు టీఆర్ఎస్ ఎమ్మెల్యే గొంగిడి సునీతకు పెను ప్రమాదం తప్పింది. భవనం పెచ్చులూడి పడటంతో ఎమ్మెల్యే, మరో ఇద్దరు సర్పంచులు గాయపడ్డారు. ఆలేరు ఆర్అండ్బీ అతిథిగృహంలో సర్పంచులతో ఎమ్మెల్యే సమీక్ష నిర్వహిస్తుండగా ఈ ఘటన చోటుచేసుకుంది. ఈ ఘటనలో సునీత చేతికి పెచ్చు తగిలి గాయమైంది. సర్పంచ్ లక్ష్మికి తలపై తీవ్రగాయాలు కాగా ఇందిరకు స్వల్ప గాయలు అయ్యాయి. గాయపడ్డ ఇద్దరినీ ఆలేరు ఏరియా ఆసుపత్రికి తరలించి చికిత్స అందిస్తున్నారు.