2006వ సంవత్సరంలో హిందీలో ఆరంభమైన బిగ్బాస్ రియాలిటీ షో ఫ్రాంచైజీ.. 2018కి కన్నడ, మలయాళీ, తెలుగు, తమిళ, మరాఠీ, బెంగాలీ భాషల్లో కూడా ఫేమస్ కావడం విశేషం. వారాలు గడుస్తున్న కొద్దీ ప్రేక్షకాదరణ పొందుతూ హైయెస్ట్ టీఆర్పీ రేటింగ్స్తో దూసుకుపోతోంది. మరోవైపు ఈ బిగ్బాస్పై కంటిస్టెంట్ల వివాదాస్పద కామెంట్స్ వెల్లువెత్తున్నాయి. ఇప్పటికే బిగ్ బాస్లో పాల్గొని బయటకొచ్చిన ఎందరో కంటిస్టెంట్లు ఈ షోపై పలు రకాలుగా నెగెటివ్ కామెంట్స్ చేసారు. ఈ క్రమంలోనే తాజాగా గీతామాధురి రియాక్ట్ అవుతూ ఓ సెటైర్ వేస్తూ చర్చకు తెరలేపింది. ప్రస్తుతం తెలుగులో బిగ్ బాస్ నాలుగో సీజన్ సక్సెస్ఫుల్గా రన్ అవుతోంది. ఈ నేపథ్యంలో ఇటీవలే బిగ్ బాస్ మూడో సీజన్ కంటిస్టెంట్ తన అనుభవాలను సోషల్ మీడియా ద్వారా వెల్లడిస్తూ బిగ్బాస్ వల్ల తీవ్ర డిప్రెషన్కు లోనయ్యానని చెప్పి చర్చలకు తెరలేపింది. అంతటితో ఆగక ఈ కార్యక్రమంలో పాల్గొన్న ఇతర ఫిమేల్ కంటెస్టెంట్లు కూడా తమ అనుభవాలను వెల్లడించాలని కోరింది. దీంతో తాజాగా బిగ్బాస్పై తనదైన స్టైల్లో స్పందిస్తూ ఆ ప్రోగ్రాంపై సెటైరికల్ కామెంట్ చేసింది సింగర్ గీతామాధురి. బిగ్బాస్ రెండో సీజన్లో పాల్గొన్న ఆమె తన `బిగ్బాస్` అనుభవాన్ని షేర్ చేస్తూ సింగిల్ లైన్ రియాక్షన్ ఇచ్చింది. ఆ సీజన్ రన్నరప్గా నిలిచిన గీతామాధురి.. హౌస్ నుంచి బయటకొచ్చిన పిక్ షేర్ చేస్తూ ”2 సంవత్సరాల క్రితం ఫొటో ఇది. బరువుతగ్గి సన్నగా కావాలనుకునే వారికి నా సలహా ఒక్కటే.. బిగ్బాస్కు వెళ్ళండి” అని పేర్కొంది. దీంతో ఆమె చేసిన ఈ కామెంట్ నెటిజెన్స్ రక రకాలుగా చర్చించుకుంటున్నారు.
previous post