వాషింగ్టన్ లో మైఖేల్ బెన్నెట్ అనే యూట్యూబర్ నీళ్లలో మునిగిపోయిన విలువైన వస్తువుల కోసం గాలిస్తంటాడు. దానికి సంబంధించిన వీడియోలను తన యూట్యూబ్ ఛానల్‌లో పెడుతుంటాడు. తన పనిలో భాగంగా ఇటీవలే సౌత్ కరోలినాలోని ఎడిస్టో నదిలో దిగాడు. ఆ నది అడుగున అతనికో వస్తువు కనిపించింది. ఏంటా అని చూస్తే అదో ఐఫోన్. దాన్ని చూడగానే అది నదిలో పడిపోయి చాలారోజులైందని మైఖేల్‌కు అర్థమైంది. పని చేస్తుందో లేదో అనే అనుమానంతోనే దాన్ని బయటకు తీసుకొచ్చి చార్జింగ్ పెట్టాడు. అయితే ఆ ఫోన్ అతని అంచనాలను తారుమారు చేస్తూ ఆనయింది. దీంతో ఆశ్చర్యపోయిన మైఖేల్… అది ఎవరిదో తెలుసుకునే ప్రయత్నం చేశాడు. కానీ ఐఫోన్ సెక్యూరిటీ ఫీచర్స్ చాలా కఠినంగా ఉండటంతో ఆ పని అతనివల్ల కాలేదు. చివరకు ఆ ఫోన్లోని సిమ్‌కార్డు తీసి వేరే ఫోన్లో వేసి, దాని యజమాని వివరాలు కనుగొన్నాడు. అది ఎరికా అనే ఓ అమ్మాయిదని తెలుసుకున్నాడు. ఆ తర్వాత ఆమెను కలిసి ఫోన్ అందించాడు. ఆ ఫోన్లోలో చనిపోయిన తండ్రితో తన సంభాషణలున్నాయని, అవన్నీ పోయాయని చాలా బాధపడ్డానని ఆమె చెప్పింది. 2018 జూన్‌లో నదిలో పడిపోయిన ఆ ఫోన్ తెచ్చి ఇచ్చినందుకు మైఖేల్‌కు ధన్యవాదాలు చెప్పింది. దీనికి సంబంధించిన వీడియోను మైఖేల్ తన యూట్యూబ్ ఛానల్‌లో అప్‌లోడ్ చేశాడు. దీనికి వీక్షకుల నుంచి భారీ స్పందన వస్తోంది. ఈ విషయంలో స్థానికంగా ఉండే ఓ న్యూస్‌ఛానెల్ కూడా మైఖేల్‌ను ఇంటర్వ్యూ చేసింది.
నది అడుగున కన్పించిన ఐఫోన్… ఛార్జింగ్ పెట్టి చూడగా…!
40 రోజుల తర్వాత రీపోలింగ్ ప్రజాస్వామ్య విరుద్దం: లోకేష్‌