హత్రాస్ పోలీసులు తాజాగా గాడిద పేడ మరియు యాసిడ్ ఉపయోగించి స్థానిక బ్రాండ్ల యొక్క నకిలీ సుగంధ ద్రవ్యాలు తయారుచేసే ఒక ఉత్పాదక విభాగాన్ని కనుగొన్నారు. ఈ కర్మాగారం నవీపూర్ ప్రాంతంలో ఉంది. పోలీసులకు అందిన సమాచారం మేరకు దానిపై దాడి చేశారు. హిందూ యువ వాహిని యొక్క ఆఫీసు-బేరర్ అయిన ఈ యూనిట్ యజమాని అనూప్ ని అరెస్టు చేశారు. జాయింట్ మేజిస్ట్రేట్ ప్రేమ్ ప్రకాష్ మీనా మాట్లాడుతూ, “కొన్ని స్థానిక బ్రాండ్ల పేర్లలో 300 కిలోల నకిలీ మసాలా దినుసులను స్వాధీనం చేసుకున్నాము.” ఈ దాడిలో, గాడిద పేడ, ఎండుగడ్డి (భూసా), తినదగని రంగులు మరియు ఆసిడ్ లతో నిండిన డ్రమ్‌ లతో సహా నకిలీ మసాలా దినుసులను తయారు చేయడానికి ఉపయోగించే అనేక నకిలీ పదార్థాలు సీజ్ చేశామని పేర్కొన్నారు. ఈ కల్తీ మసాలా దినుసులలో కొత్తిమీర పొడి, ఎర్ర కారం, పసుపు మరియు మసాలా మిక్స్ (గరం మసాలా)లు తాయారు చేస్తున్నట్టు గుర్తించారు. 27 కి పైగా నమూనాలను పరీక్షల కోసం పంపారు వాటి ల్యాబ్ రిపోర్ట్ వచ్చిన తర్వాత మరియు ఫుడ్ సేఫ్టీ & స్టాండర్డ్స్ యాక్ట్, 2006 కింద ఎఫ్ఐఆర్ నమోదు చేయబడుతుందని ఆయన చెప్పారు. సిఆర్‌పిసి సెక్షన్ 151 కింద అనూప్ ని జ్యుడీషియల్ కస్టడీకి రిమాండ్ చేశారు. ఇక మీనా విలేకరులతో మాట్లాడుతూ నకిలీ మసాలా దినుసుల తయారీకి యూనిట్‌లో తయారుచేసిన పదార్థాలను నగరంలోని ఇతర యూనిట్లకు కూడా సరఫరా చేశారా అని కూడా తనిఖీ చేస్తున్నారని తెలిపారు. కాబట్టి అందరూ జాగ్రత్తగా ఉండాలి.
గాడిద పేడతో నకిలీ మసాలాలు….
