అగ్రరాజ్యం అమెరికా 244వ స్వాతంత్ర్య దినోత్సవం సందర్భంగా శనివారం భారత ప్రధాని నరేంద్ర మోదీ తన ట్విట్టర్ ఖాతా ద్వారా అమెరికా ప్రజలను విష్ చేసిన సంగతి తెలిసిందే. మోదీ ట్వీట్ ను చూసిన ట్రంప్, దానికి సమాధానం ఇచ్చారు.
ఈ మేరకు తన ట్విట్టర్ ఖాతాలో ఓ ట్వీట్ చేస్తూ “నా నేస్తమా కృతజ్ఞతలు. అమెరికా లవ్స్ ఇండియా” అని ఆయన అన్నారు. నిన్న అధ్యక్షుడు ట్రంప్, దక్షిణ డకోటా ప్రాంతంలో జరిగిన స్వాతంత్ర్య దినోత్సవ వేడుకల్లో పాల్గొన్నారు. అక్కడి వేడుకలకు హాజరైన వారిని ట్రంప్ నవ్వుతూ పలకరించారు.