భారత్ లో కరోనా కట్టడికి ఎంతో చేస్తున్నారని ప్రధాని మోదీనీ అమెరికా అధ్యక్షుడు డొనాల్డ్ ట్రంప్ ప్రశంసించారు. కొవిడ్-19 పేషంట్లకు చికిత్స చేసేందుకు మలేరియా నిరోధానికి వాడిన హైడ్రాక్సీ క్లోరోక్విన్ టాబ్లెట్లను మరింత విరివిగా సరఫరా చేయాలని మోదీని ట్రంప్ కోరారు. నేను కూడా హైడ్రాక్సీ క్లోరోక్విన్ టాబ్లెట్ ను ముందు జాగ్రత్త చర్యగా తీసుకున్నానని, ఈ విషయాన్ని చెప్పడానికి తానేమీ సిగ్గు పడటం లేదని ట్రంప్ వ్యాఖ్యానించారు. తన డాక్టర్లతో మాట్లాడిన తరువాత టాబ్లెట్ వేసుకున్నానని తెలిపారు.
ఈ టాబ్లెట్ల కోసం అమెరికా ఇప్పటికే భారత్ కు ఆర్డర్ ఇచ్చిందని అయితే, ప్రస్తుతం భారత నిషేధం అమలులో ఉన్నందున ఇంకా సరఫరా జరగలేదని తెలిపారు. ఈ విషయంలో తమకు సహకరించాలని కోరానని ట్రంప్ వ్యాఖ్యానించారు. ఇండియాలో హైడ్రాక్సీ క్లోరోక్విన్ టాబ్లెట్ల నిల్వ చాలా అధికంగా ఉందని అన్నారు.
అక్కడి మెడికల్ షాపుల్లో సైతం ఈ డ్రగ్ విరివిగా లభిస్తోందని అన్నారు. అయితే, కోట్లాది మంది ఆరోగ్య అవసరాలను దృష్టిలో ఉంచుకుని ఈ యాంటీ మలేరియా డ్రగ్ నిల్వలను వ్యూహాత్మకంగా వాడుకోవాలని తాను సూచించానని అన్నారు. యూఎస్ కోరిన విధంగా టాబ్లెట్లను ఎగుమతి చేస్తే, తాను ఎంతో సంతోషిస్తానని మోదీకి తెలియజేసినట్టు పేర్కొన్నారు. కొవిడ్-19పై పోరులో ఇరు దేశాలూ కలిసి పని చేయాలని నిర్ణయించుకున్నామని తన ట్విట్టర్ ఖాతాలో పేర్కొన్నారు.