బ్యాంక్ అకౌంట్ చాలా ముఖ్యం. ప్రస్తుతం ప్రతి ఒక్కరికీ బ్యాంక్ ఖాతా ఉండాల్సిందే. అప్పుడే కేంద్ర రాష్ట్ర ప్రభుత్వాలు అందిస్తున్న సంక్షేమ పథకాల ప్రయోజనాలు పొదడం వీలవుతుంది. అయితే ఒకటి కన్నా ఎక్కువ బ్యాంక్ అకౌంట్లు కలిగి ఉండటం వల్ల పలు నష్టాలు ఉన్నాయి.
బ్యాంక్ అకౌంట్ ఉంటే కచ్చితంగా మినిమమ్ బ్యాలెన్స్ నిబంధనలు అనుసరించాలి. ఒకవేళ మినిమమ్ బ్యాలెన్స్ కలిగి లేకపోతే చార్జీలు చెల్లించుకోవాలి. అలాగే ఇతర చార్జీలు కూడా భరించాల్సి ఉంటుంది. డెబిట్ కార్డు చార్జీలు, ఎస్ఎంఎస్ చార్జీలు ఇలా పలు రకాల చార్జీలు పడతాయి.
అంతేకాకుండా ఉద్యోగం మారినప్పుడు ఒక్కో కంపెనీ ఒక్కో బ్యాంక్‌తో భాగస్వామ్యం కుదుర్చుకుంటుంది. దీంతో కొత్తగా జాబ్‌లో చేరినప్పుడు కొత్త బ్యాంక్ ఖాతా వస్తుంది. దీంతో పాత కంపెనీ బ్యాంక్ అకౌంట్ అలాగే ఉండిపోతుంది. ఇక్కడ శాలరీ అకౌంట్‌లో 3 నెలలపాటు క్రెడిట్ కాకపోతే అప్పుడు శాలరీ అకౌంట్ సేవింగ్స్ అకౌంట్‌గా మారిపోతుంది. మళ్లీ ఇతర చార్జీలు పడతాయి.
అంతేకాకుండా ఇన్‌కమ్ ట్యాక్స్ రిటర్న్స్ దాఖలు చేసేటప్పుడు మీరు ఎన్ని అకౌంట్లు కలిగి ఉన్నారో అన్నింటి వివరాలు తెలియజేయాల్సి ఉంటుంది. వాటి స్టేట్‌మెంట్ తీసుకోవడం చాలా కష్టమైన పని. అలాగే మీరు నాలుగు బ్యాంక్ అకౌంట్లు కలిగి ఉన్నారని భావిస్తే.. ప్రతి అకౌంట్‌లోనూ మినిమమ్ బ్యాలెన్స్ కలిగి ఉండాలి. దీనిపై వచ్చే వడ్డీ దాదాపు 3 శాతం ఉండొచ్చు. అదే మీరు అకౌంట్లు అన్నీ క్లోజ్ చేసుకొని ఆ డబ్బులను మ్యూచువల్ ఫండ్స్‌లో పెడితే 10 శాతం రాబడి పొందొచ్చు. అందుకే ఎక్కువ బ్యాంక్ అకౌంట్లు ఉంటే క్లోజ్ చేసుకోండి.
అత్యాచారం తప్పదనప్పుడు దాన్ని ఎంజాయ్‌ చేయటమే… అమితాబ్ వ్యాఖ్యలు వైరల్