telugu navyamedia
ట్రెండింగ్ వార్తలు సినిమా వార్తలు

బాలా ‘వర్మ’ .. ఆన్ లైన్ లో .. అమ్మకానికి రైట్స్..

director bala varma movie on online

ఇటీవల విక్రం కుమారుడు ధ్రువ్‌ నటించిన రీమేక్‌ చిత్రం ‘ఆదిత్య వర్మ’. ధ్రువ్‌ నటనకు మంచి మార్కులు పడ్డాయి. విశ్లేషకుల మన్ననలు అందుకున్నారు. అయితే ఈ సినిమాకు ముందు బాలా దర్శకత్వంలో ‘వర్మ’ పేరిట తొలి రీమేక్‌ సిద్ధమైన విషయం తెలిసిందే. కొన్ని కారణాలతో దానిని పక్కనపెట్టి.. మళ్లీ కొత్తగా తెరకెక్కించి ‘ఆదిత్య వర్మ’గా విడుదల చేశారు. ఈ నేపథ్యంలో బాలా ‘వర్మ’ చిత్రాన్ని ఆన్‌లైన్‌ వేదికపై విడుదల చేయడానికి చిత్రవర్గాలు సన్నాహాలు చేస్తున్నట్లు ప్రచారం జరిగింది.

వాస్తవానికి ఈ సినిమా కోసం రూ.20 నుంచి రూ.28 కోట్ల వరకు ఖర్చు అయినట్లు కోలీవుడ్‌లో వార్తలు చక్కర్లు కొట్టాయి. ఇప్పుడు ఆ వెర్షన్‌ ద్వారా డిజిటల్‌ రైట్స్‌తో కొంత మొత్తాన్ని రాబట్టుకోవడానికి నిర్మాణ వర్గాలు ప్రయత్నాలు చేస్తున్నట్లు సమాచారం. ఈ రైట్స్‌ కోసం ఓ సంస్థ రూ.5 కోట్ల వరకు అడిగినట్లు తెలుస్తోంది. అయితే విక్రం తరఫున అందుకు సమ్మతించలేదనే వార్తలు వినిపిస్తున్నాయి. మరి నిర్మాత, విక్రం కలిసి ఏ నిర్ణయం తీసుకుంటారో వేచి చూడాలి.

Related posts