telugu navyamedia
ఆంధ్ర వార్తలు రాజకీయ వార్తలు

దేవినేని ఉమను అదుపులోకి తీసుకున్న పోలీసులు

uma devineni

టీడీపీ నేత, మాజీ మంత్రి దేవినేని ఉమను పోలీసులు అదుపులోకి తీసుకున్నారు. అమరావతి రైతుల ఆందోళనకు సంఘీభావంగా దేవినేని గొల్లపూడిలో రోడ్డుపై బైఠాయించారు. అమరావతినే రాజధానిగా కొనసాగించాలని నినాదాలు చేశారు. ఈ కార్యక్రమానికి పెద్ద సంఖ్యలో రైతులు, మహిళలు తరలివచ్చారు.

ఈ నిరసన కార్యక్రమాన్ని అడ్డుకోవడానికి పోలీసులు యత్నించారు. ఈ నేపథ్యంలో పోలీసులకు, నిరసనకారులకు మధ్య వాగ్వాదం చోటు చేసుకుంది. నిరసనలకు అనుమతి లేదని తెలిపిన పోలీసులు దేవినేని ఉమను అదుపులోకి తీసుకుని, అక్కడి నుంచి తరలించారు. దీంతో గొల్లపూడిలో తీవ్ర ఉద్రిక్తత నెలకొంది.

Related posts