బాలీవుడ్ నటుడు సల్మాన్ ఖాన్ నటించిన “భారత్” చిత్రం విడుదలపై స్టే ఇవ్వాలని దాఖలైన పిటిషన్ ను ఢిల్లీ హైకోర్టు తోసి పుచ్చింది. భారత్ సినిమా టైటిల్ సెక్షన్-౩ ఉల్లంఘన (చిహ్నాలు, పేర్లు) కిందకు వస్తుంది. భారత్ పేరును వాణిజ్య అవసరాలకు ఉపయోగిస్తున్న నేపథ్యంలో… సినిమా విడుదలను నిలిపేయాలని పిల్ దాఖలైంది. అయితే ఈ పిటిషన్ ను ఢిల్లీ హైకోర్టు కొట్టిపారేసింది. సల్మాన్ ఖాన్, కత్రినా కైఫ్ కాంబినేషన్ లో తెరెకెక్కిన భారత్ జూన్ 5న ప్రపంచవ్యాప్తంగా విడుదల కానుంది.
ఈ సినిమా 2014లో వచ్చిన కొరియా సినిమా “ఆడ్ టు మై ఫాదర్” సినిమాకు రీమేక్. ఈ సినిమాలో సల్మాన్ యువకుని దశ నుంచి 70 ఏళ్ల వృద్ధుని వరకూ కనిపించే పాత్ర పోషిస్తున్నాడు. ఈ సినిమా కొరియా యద్ధం బ్యాక్ గ్రౌండ్‌తో సాగుతుంది. ఈ సినిమా కథ 1950లలో ప్రారంభమవుతుంది. ఉత్తర కొరియా, దక్షిణ కొరియాల మధ్య జరిగిన యుద్ధం నేపధ్యంలో సినిమా నడుస్తుంది. ఈ సమయంలో పలువురు శరణార్థులుగా మారుతారు. వారిలో డ్యూక్ అనే వ్యక్తి తన చెల్లెలికి దూరమవుతాడు. అప్పటి నుంచి డ్యూక్ తన చెల్లెలిని కలుసుకోవాలని తపించిపోతుంటాడు. ఈ కొరియా సినిమాలో హీరో తన కుటుంబ పోషణ కోసం గనిలో పనిచేస్తుంటాడు. అదే విధంగా ‘భారత్’ సినిమాలో సల్మాన్ బొగ్గు గనిలో పనిచేస్తుండటం సినిమా ట్రైలర్‌లో కనిపిస్తుంది. ఈ సమయంలోనే అతను ఒక యువతి ప్రేమలో పడతాడు. ఈ సినిమా కథ 1950లో మొదలై 60, 70, 80 వ దశాబ్దాల మధ్య కాలాల్లో వివిధ మలుపులు తిరుగుతూ కొనసాగుతుంది.
నిన్నెవరు పెళ్లి చేసుకుంటారు అనేవారు : సోనమ్ కపూర్