టాలీవుడ్ మోస్ట్ ఎలిజిబుల్ బ్యాచిలర్ రానా దగ్గుబాటి ఓ ఇంటివాడు కాబోతున్నారు. ఈ రోజే (ఆగస్టు 8) రానా- మిహికా వివాహ వేడుక జరగనుంది. అత్యంత సన్నిహితుల మధ్య జరగనున్న ఘనంగా జరగనున్న ఈ వేడుకకు హైదరాబాద్ రామానాయుడు స్టూడియో వేదిక కానుంది. మరోవైపు పెళ్లికి మూడు రోజుల ముందే (బుధవారం) ప్రారంభమైన ప్రి-వెడ్డింగ్ సెలబ్రేషన్స్‌తో అటు రానా ఇంట, ఇటు రానాకు కాబోయే భార్య మిహికా బజాజ్ ఇంట సందడి వాతావరణం నెలకొంది.
నిజానికి ఇండస్ట్రీ మొత్తాన్ని ఆహ్వానించి రానా పెళ్లి అత్యంత ఘనంగా చేయాలనుకున్నారు ఆయన తండ్రి, ప్రముఖ నిర్మాత సురేష్ బాబు. కానీ కరోనా కల్లోలంలో అది సాధ్యపడక పోవడంతో కేవలం ఇరు కుటుంబాల సమక్షంలోనే అన్ని జాగ్రత్తలు తీసుకుంటూ ఈ వేడుకను కంప్లీట్ చేయబోతున్నారు. ఈ క్రమంలో రానా పెళ్లి వేడుకల గురించి స్పందించిన సురేష్ బాబు.. తన కొడుకు పెళ్లిని అంగరంగ వైభవంగా చేయలేకపోతున్నామనే బాధ మాత్రం ఉంది కానీ తప్పడం లేదని అన్నారు. “రానా- మిహిక బజాజ్ పెళ్లి కార్యక్రమాలు తెలుగు సంప్రదాయాలు, మర్వాడీ సంప్రదాయల ప్రకారం జరుగుతున్నాయి. ఇరు కుటుంబాల ఆచారాలను పాటిస్తూ పెళ్లి వేడుకను జరపబోతున్నాం. ప్రమాదకర కరోనా వ్యాధి వ్యాప్తి కారణంగా సురక్షిత చర్యలకే ప్రాధాన్యం ఇస్తున్నాం. కోవిడ్ నిబంధనలకు అనుగుణంగా పెళ్లిలో సురక్షిత చర్యల విషయంలో రాజీ పడటం లేదు. కరోనా వ్యాప్తి తగ్గుముఖం పట్టిన తర్వాత గ్రాండ్‌గా విందు ఏర్పాటు చేస్తాం” అని సురేష్ బాబు తెలిపారు.
సౌత్‌లో హీరోలను చూడటానికే థియేటర్స్‌కు వస్తారు : రకుల్ ప్రీత్ సింగ్