కేవలం పది నిమిషాల్లోనే కరోనా నిర్ధారణ పరీక్షలు నిర్వహించే ర్యాపిడ్ టెస్టింగ్ కిట్లను ఏపీ ప్రభుత్వం దక్షిణ కొరియా నుంచి దిగుమతి చేసుకున్న సంగతి తెలిసిందే. నిన్న సీఎం జగన్ ఆ కిట్లను తన కార్యాలయం నుంచి ప్రారంభించారు. ఈ నేపథ్యంలో, వైద్యులు సీఎం జగన్ కు ర్యాపిడ్ టెస్టింగ్ కిట్ ను ఉపయోగించి కరోనా నిర్ధారణ పరీక్షలు నిర్వహించారు.
ఈ పరీక్షలో నెగెటివ్ వచ్చినట్టు స్పష్టమైంది. కేవలం పది నిమిషాల్లోనే కరోనా నిర్ధారణ పరీక్షలు నిర్వహించవచ్చు. ఈ కిట్లను జిల్లాలకు పంపి సామూహిక పరీక్షలు చేపట్టాలని ప్రభుత్వం యోచిస్తుంది. తద్వారా కరోనా వ్యాప్తిని త్వరితగతంగా అరికట్టవచ్చని ఏపీ సర్కారు భావిస్తోంది.