జీహెచ్‌ఎంసీ ఎన్నికల నోటిఫికేషన్‌ నిన్ననే రాష్ట్ర ఎన్నికల సంఘం విడుదల చేసింది. ఇవాళ్టి నుంచి నామినేషన్లు కూడా ప్రారంభంకానున్నాయి. డిసెంబర్ 1న గ్రేటర్‌ ఎన్నికలు జరుగనున్నాయి. అయితే.. ఈ ఎన్నికలు టీఆర్ఎస్ పార్టీకి పెద్ద సవాలుగా మారాయి. దీంతో.. దుబ్బాక ఓటమి తర్వాత..టీఆర్‌ఎస్‌కు ఇదే మొదటి ఎన్నిక. గ్రేటర్‌ ఎన్నికలను అన్ని తానై కేటీఆర్‌ టీఆర్‌ఎస్‌ను ముందుకు తీసుకుపోతున్నాడు. కేటీఆర్‌ ఉన్నప్పటికీ.. ఈ ఎన్నికల్లో మరింత కసిగా పనిచేయాలని గులాబీ బాస్‌ అనుకుంటున్నారని సమాచారం. అందుకే ప్రతిపక్షాలకు ఛాన్స్‌ ఇవ్వకుండా.. స్వయంగా సీఎం కేసీఆరే ఈ ఎన్నికల్లో రంగంలోకి దిగి.. వ్యూహాలు రచించనున్నారు. ఇందులో భాగంగానే టీఆర్ఎస్ పార్లమంటరీ పార్టీ, లెజిస్లేచర్ పార్టీ సమావేశం ఇవాళ మధ్యాహ్నం 2 గంటలకు తెలంగాణ భవన్ లో సీఎం కెసిఆర్ అధ్యక్షతన జరుగనుంది. పార్టీ లోక్ సభ, రాజ్యసభ సభ్యులను, ఎమ్మెల్యే లు, ఎమ్మెల్సీలను ఈ సమావేశంలో విధిగా హాజరు కావాలని సీఎం కెసిఆర్ కోరారు. మంత్రులు తమ జిల్లాలకు చెందిన ఎంపీలు, ఎమ్మెల్యేలను, ఎమ్మెల్సీ లను సమన్వయం చేసుకుని సమావేశానికి తీసుకురావాలని కోరారు.
రంగంలోకి కేసీఆర్‌.. గ్రేటర్‌ ఎన్నికలపై ఇవాళ కీలక చర్చ
