సినీ నటుడు రాజశేఖర్ కు డూప్ గా కనిపించే ఆంజనేయులు అనే వ్యక్తికి, ఆయన భార్యకు నిన్న జరిగిన యాక్సిడెంట్ లో తీవ్ర గాయాలయ్యాయి. హైదరాబాద్‌లోని జూబ్లీహిల్స్ చెక్‌పోస్టు వద్ద శనివారం రాత్రి ఈ యాక్సిడెంట్ జరిగింది. ఇందిరానగర్‌లో నివసించే ఆంజనేయులు భార్యతో కలిసి శనివారం రాత్రి ద్విచక్రవాహంపై గచ్చిబౌలి బయలుదేరారు. జూబ్లీహిల్స్ చెక్‌పోస్టు వద్ద వీరి బైక్‌ను వేగంగా వచ్చిన కారు ఢీకొట్టి వెళ్లిపోయింది. ఈ ఘటనలో ఆంజనేయులు కాళ్లు, చేతులకు గాయాలు కాగా, ఆయన భార్య కూడా గాయపడింది. ఈ ఘటనపై ఆంజనేయులు జూబ్లీహిల్స్ పోలీసులకు ఫిర్యాదు చేయగా… కేసు నమోదు చేసుకున్న పోలీసులు సీసీటీవీ ఫుటేజీ ఆధారంగా కారును గుర్తించేందుకు ప్రయత్నిస్తున్నారు.
రాజశేఖర్ డూప్ కు యాక్సిడెంట్… గాయాలు
