మెగా కాంపౌండ్ నుంచి హీరోగా వెండితెర అరంగేట్రం చేశాడు స్టైలిష్ స్టార్ అల్లు అర్జున్. తరువాత తనకంటూ ప్రత్యేక గుర్తింపు సంపాదించుకుని స్టైలిష్ స్టార్‌గా ఎదిగాడు. తనకంటూ ఎంతోమంది అభిమానులను సొంతం చేసుకున్నాడు. డ్యాన్స్‌ల్లోనూ, నటనలోనూ తనకు తిరుగులేదని నిరూపించుకున్నాడు. ఈ రోజు (బుధవారం) బన్నీ జన్మదినోత్సవం. ఈ సందర్భంగా పలువురు ప్రముఖులు బన్నీకి సోషల్ మీడియా ద్వారా శుభాకాంక్షలు తెలియజేశారు. మెగాస్టార్ చిరంజీవి కూడా ట్విటర్ ద్వారా బన్నీకి విషెస్ చెప్పారు. బన్నీ చిన్ననాటి ఫొటోను అభిమానులతో పంచుకున్నారు. `బన్నీ డ్యాన్స్‌లో గ్రేస్ ఆ వయస్సు నుంచే ఉంది. బన్నీలోని కసి, కృషి నాకు చాలా ఇష్టం. హ్యాపీ బర్త్‌డే అల్లు అర్జున్. నువ్వు బాగుండాలబ్బా` అంటూ చిరంజీవి ట్వీట్ చేశారు.
Dance లో grace, ఆ వయస్సు నుంచే ఉంది. Bunnyలోని కసి, కృషి నాకు చాలా ఇష్టం. Happy Birthday Bunny! @alluarjun నువ్వు బాగుండాలబ్బా.. #8thApril pic.twitter.com/Wvp9O36MKx
— Chiranjeevi Konidela (@KChiruTweets) April 8, 2020