మెగాస్టార్ చిరంజీవి చేతి నిండా సినిమాలతో పుల్ జోరు మీద ఉన్నారు. ఇప్పటికే ఆచార్య సినిమా షూటింగ్ను పూర్తీ చేసుకుంది. అలాగే గాడ్ ఫాదర్, భోళాశంకర్ సినిమాలు ఇప్పటికే సెట్స్ పైకి వెళ్లాయి. ఈ క్రమమంలోనే ఇప్పుడు మెగాస్టార్ 154 మూవీ కూడా మొదలైంది.
చిరంజీవి డైరెక్టర్ కె ఎస్ రవీంద్ర అలియాస్( బాబీ) దర్శకత్వంలో తన 154వ సినిమా చేస్తున్నారు. తాజాగా ఈ సినిమా పూజా కార్యక్రమం శనివారం ఘనంగా జరిగింది. ఈ సందర్భంగా సినిమా నుంచి చిరు లుక్ ను రిలీజ్ చేశారు. మెడలో పెద్ద గొలుసులు వేసుకొని స్టైల్గా లైటర్ పట్టుకున్న చిరు లుక్ అదిరిపోయింది. అరాచకం ఆరంభం అంటూ పోస్టర్ను వదిలారు మేకర్స్..ఇప్పుడు ఈ పోస్టర్ సోషల్ మీడియాలో తెగ చక్కర్లు కొడుతుంది.
కంప్లీట్ మాస్ అండ్ యాక్షన్ ఎంటర్టైనర్గా తెరకెక్కబోతున్న ఈ సినిమాలో చిరు మత్యకారుడిగా కనిపించనున్నారు. మైత్రీ మూవీ మేకర్స్ బ్యానర్ మీద నవీన్ ఎర్నేని – వై రవిశంకర్ ఈ చిత్రాన్ని నిర్మిస్తున్నారు. రాక్ స్టార్ దేవీ శ్రీ ప్రసాద్ సంగీతాన్ని అందిస్తున్నారు. ఈ సినిమా అనౌన్స్ చేసిన దగ్గర నుంచి ఈ సినిమా అభిమానుల్లో ఆసక్తి నెలకొంది.
నేను చాలా కాలంగా ఎదురు చూస్తున్న రోజు రానే వచ్చింది!! ..నా ఆల్ టైమ్ ఫేవరెట్ హీరో మెగాస్టార్తో కలిసి పని చేస్తున్నాను.. పద్దెనిమిదేళ్ల క్రితం.. ఆయన్ని మొదటి సారి కలిసిన రోజు కన్నకల.. నిజమవుతున్న ఈ వేళ మీ అందరి ఆశీస్సులు కోరుకుంటున్నాను” అంటూ బాబీ తన సంతోషాన్ని వ్యక్తం చేశారు.