“ఓ బేబీ” బిర్యానీ… రుచి చూశారా ?

దర్శకురాలు నందిని రెడ్డి దర్శకత్వంలో సమంత ప్రధాన పాత్రలో “ఓ బేబీ” అనే సినిమాను తెరకెక్కిస్తున్నారు. “ఎంత సక్కగున్నావే” అనేది ట్యాగ్ లైన్. “మిస్ గ్రానీ” అనే కొరియన్ సినిమాను నందిని రెడ్డి రీమేక్ చేస్తున్నారు. ఈ సినిమాలో సమంత సరికొత్త లుక్ లో కనిపించనుంది. మిక్కి జె.మేయ‌ర్ సంగీతం అందించిన ఈ చిత్రానికి రిచ‌ర్డ్ ప్ర‌సాద్ సినిమాటోగ్ర‌ఫీ అందించారు. పీపుల్ మీడియా ఫ్యాక్టరీ, సురేశ్ ప్రొడక్షన్స్ సంయుక్తంగా నిర్మిస్తున్న ఈ సినిమా ఇటీవలే షూటింగ్ పార్ట్ పూర్తి చేసుకుంది. సీనియర్ హీరోయిన్ లక్ష్మి ఈ సినిమాలో కీలకమైన పాత్రలో నటించారు. ఊర్వశి, రాజేంద్రప్రసాద్, రావు రమేశ్, నాగశౌర్య ముఖ్యమైన పాత్రల్లో నటిస్తున్నారు. ఇప్పటికే ఈ చిత్రం నుంచి విడుదలైన టీజర్ కు మంచి స్పందన లభించింది. ఈ సినిమా వచ్చే నెల 5న ప్రేక్షకుల ముందుకు రానుంది. తాజాగా ఈ చిత్రం నుంచి ట్రైలర్ ను విడుదల చేశారు చిత్రబృందం. ఈ ట్రైలర్ కు ప్రేక్షకుల నుంచి అద్భుతమైన స్పందన వచ్చింది. అయితే తాజాగా ఈ సినిమా టైటిల్‌తో ఓ రెస్టారెంట్ ఆహార పదార్థాలను అందిస్తోంది. “ఓ బేబీ” చికెన్ బిర్యానీ, చికెన్ లాలీపాప్ బిర్యానీ తదితర నాన్ వెజ్ ఆహార పదార్థాలను అందిస్తోంది. దీనిపై స్పందించిన సురేష్ ప్రొడక్షన్స్ సంస్థ “మేము ప్రతి ఎమోషన్‌ని ప్రమోషన్‌గా మలుచుకుంటాం” అని ట్వీట్ చేసింది. ఈ విషయం ఇప్పుడు సోషల్ మీడియాలో ట్రెండ్ అవుతోంది.