దేశంలో కరోనా కేసుల సంఖ్య పెరుగుతూ తగ్గుతూ వస్తున్నాయి. రోజు రోజుకు రికార్డు స్థాయిలో కేసులు పెరుగుతున్నాయి. తాజా కేసులతో దేశంలో 1.53 కోట్లు దాటాయి కరోనా పాజిటివ్ కేసుల సంఖ్య. ప్రతి రోజు 3 లక్షల కేసులు నమోదవుతున్నాయి. ఈ వైరస్ ఏ రంగాల వారిని వదలడం లేదు. ప్రతి ఒక్కరికీ సోకుతుంది. అయితే ప్రస్తుతం చేస్తున్న పరీక్షలు ఖర్చుతో కూడుకున్నవే కాక రిజల్ట్ వచ్చేందుకు సమయం పడుతుంది. ఈ లోపు ఒకవేళ నిజంగా వైరస్ ఉంటె మరి కొంత మందికి కరోనా సోకె ప్రమాదం ఉంది. ఈ నేపథ్యంలో తాజాగా రెండు నిమిషాల్లో కరోనా రిజల్ట్ చెప్పే పరీక్షను కనుగొన్నారు. బ్లడ్ శాంపిల్స్ తీసుకోకుండా రెండు నిమిషాల్లో కరోనాను గుర్తించేలా ఒక పరికరాన్ని తయారు చేశారు చెన్నై కేజపక్కంలోని కేజే ఆస్పత్రి పరిశోధకులు. కేజే కోవిడ్ ట్రాకర్ పేరుతో పిలిచే ఈ డిజైన్ చూడటానికి ఒక చేయిలాగా ఉంటుంది. ఈ డిజైన్ సాయం తో బిపి, శరీర ఉష్ణోగ్రత, హిమోగ్లోబిన్, రక్త కణాల సంఖ్య స్థాయిలను తెలుసుకోవచ్చు. ఆర్ టీ పీసీఆర్ కంటే పక్కాగా ఇది రిజల్ట్ ఇస్తుందని ఆ ఆస్పత్రి వైద్యులు చెబుతున్నారు.
గుడ్ న్యూస్ : రెండే రెండు నిమిషాల్లో కరోనా ఉందో లేదో చెప్పేస్తుంది..!
