పున్నమి నాటి నిండు
జాబిలమ్మలా
ప్రాణ సఖి వదనగగనం
వెలిగిపోతుంది
మిలమిల మెరిసే తారకమ్మలా
చెలి లేత ఆధారాలపై
చిరునవ్వుల వెలుగుపూలు
పూస్తున్నాయి
జాబిలమ్మ వెన్నెల వన్నెల
కాంతుల జలపాతంలో జలకాలాడుతుంది
చంద్రబింబ అద్దంలో పడుచు
పరువాలు కనువిందు చేస్తున్నాయి
వలచిన చెలికానికై నిలిచిన
వనితలా నా హృదయేశ్వరి
కళ్ళల్లో నిరీక్షణ క్రొవ్వొత్తులు
వెలుగించుకుని ఎదురుచూస్తుంది
పిలిచిన వలపుల నెలరాజుకై
పెళ్ళిచూపుల్లో పెళ్లి కూతురులా
ముస్తాబై ముద్దుగుమ్మ కూర్చుంది
వెన్నెల్లో ఆడపిల్ల నాసఖి
గుండెల్లో చిలిపి నాచెలి
–గద్వాల సోమన్న