ఇటీవల టాలీవుడ్ మొత్తాన్ని కుదిపేసింది మాదకద్రవ్యాల కేసు. ఒక్కసారిగా సినీ ఇండస్ట్రీ మొత్తం ఉలిక్కిపడింది. దర్శకులు, నటులు, కమెడియన్స్ ఇలా ఇండస్ట్రీలో చాలామందికి ఈ సంఘటన చేదు అనుభవాన్ని మిగిల్చింది. నిజా నిజాలతో సంబంధం లేకుండా టీవీ ఛానళ్ళు కూడా టీ.ఆర్.పి కోసం రోజుల తరబడి తెగ హడావుడి చేసి చాలా మందిని బ్యాడ్ చేశాయి. ప్రస్తుతం ఈ విషయంలో అందరికి ఊరట కలిగినట్టు తెలుస్తోంది. హీరోయిన్ గా ఎన్నో చిత్రాల్లో నటించి మెప్పించిన ఛార్మి ప్రస్తుతం పూరి బ్యానర్ లో నిర్మాణం జరుపుకుంటున్న సినిమాల నిర్మాణ బాధ్యతలు చూసుకుంటుంది.
ఛార్మి పుట్టిన రోజు సందర్బంగా మీడియాతో మాట్లాడారు. ఆ సందర్బంగా గతంలో తాను ఎదుర్కొన్న సంఘటనల గురించి చెప్పింది. టాలీవుడ్ ను షేక్ చేసిన డ్రగ్స్ కేసు లో తన పేరు రావడంపై మొదటి సారి ఛార్మి స్పందించింది. ఆ కేసు తన జీవితంలోనే నీచమైన సంఘటన అని చెప్పింది. ఛార్మి డ్రగ్స్ కేసులో నా పేరు ఎలా వచ్చిందో తెలియదు.. ఆ సమయంలో నేను చాలా బాధ పడ్డాను. నేను మాత్రమే కాదు నా కుటుంబ సభ్యులు కూడా చాలా బాధ పడ్డారు. అయితే నేను ఏ తప్పు చేయలేదు. తప్పకుండా నాకు క్లీన్ చీట్ వస్తుందని ఛార్మి చెప్పింది. ఇక సినిమాల గురించి ఛార్మి స్పందిస్తూ నటిగా 15 ఏళ్లు చేసి బోర్ కొట్టింది మళ్లీ నటిగా చేయాలనే కోరిక లేదు ఇకపై నిర్మాతగా కొనసాగుతానంటూ చెప్పింది.