సినీ రంగంపై కరోనా తీవ్ర ప్రభావాన్ని చూపిస్తోంది. ఇప్పటికే పలు సినిమాల షూటింగ్‌లకు బ్రేక్ పడగా కొన్ని మూవీల విడుదల వాయిదా పడింది. దీని విస్తరణ రోజురోజుకు ఎక్కువవుతోన్న నేపథ్యంలో ప్రఖ్యాత కేన్స్ ఫిలిం ఫెస్టివల్ కూడా వాయిదా పడింది. ఈ ఉత్సవాలను వాయిదా వేసినట్లు ద‌క్షిణ ఫ్రాన్స్‌లోని కేన్స్ నిర్వాహ‌కులు తెలిపారు. మే 12 నుండి 23వ‌ర‌కు జ‌ర‌గాల్సి ఉన్న ఈ కార్య‌క్ర‌మాన్ని జూన్ చివ‌రిలో గానీ జూలైలో నిర్వ‌హిస్తామ‌ని వారు ఓ ప్ర‌క‌ట‌న‌లో తెలిపారు. కాగా కేన్స్‌లో పాల్గొనేందుకు వివిధ దేశాలకు చెందిన వేలాది మంది సినీ నిర్మాతలు, ప్రముఖులు మరియు కార్యనిర్వాహకులు ఫ్రెంచ్ నగరానికి రావాల్సి ఉంది. అయితే కరోనా తీవ్రత పెరుగుతున్న నేపథ్యంలో ఈ కార్య‌క్ర‌మాన్ని కొద్ది రోజుల పాటు ర‌ద్దు చేస్తేనే మంచిద‌ని భావించిన మేనేజ్‌మెంట్ ఈ నిర్ణయం తీసుకుంది. కాగా కేన్స్‌లో గెలుపొందిన సినిమాల‌ని బ‌ట్టే ఆస్కార్ రేసు కూడా ఉంటుంది.
కరోనా ప్రభావం… కేన్స్ ఫిలిం ఫెస్టివల్ వాయిదా
