బోయినపల్లి కిడ్నాప్ కేసులో ఏ1 గా ఏపీ మాజీ మంత్రి,టీడీపీ నేత భూమా అఖిలప్రియ ఉన్న సంగతి తెలిసిందే. అఖిలప్రియను ఇప్పటికే పోలీసులు అదుపులోకి తీసుకున్నారు. హాఫిజ్ పేట భూముల విషయంలో కిడ్నాప్ కు ప్లాన్ చేసినట్టుగా పోలీసులు గుర్తించారు. అయితే, ఈ కేసులో ఏ2గా ఏవీ సుబ్బారెడ్డిని, ఏ3 గా అఖిలప్రియ భర్త భార్గవ్ రామ్ ను చేర్చారు. అయితే, భార్గవ్ రామ్ ఎక్కడ ఉన్నాడో పోలీసులు ఇప్పటి వరకు గుర్తించలేదు. నాలుగు ప్రత్యేక బృందాలు గాలిస్తున్నాయి. ఇక ఇదిలా ఉంటె, ఈ కిడ్నాప్ కేసులో అనేకమంది నిందితులను పోలీసులు గుర్తించారు. ఇక బోయిన్ పల్లి కిడ్నాప్ కేసులో భూమా జగత్ విఖ్యాత్, భార్గవ్ అమ్మ నాన్న, భార్గవ్ తమ్ముడు చంద్రహాస్ పేర్లను కూడా చేర్చినట్టు చెబుతున్నారు. ఈ బోయినపల్లి కిడ్నాప్ కేసు ఎఫ్ ఐ అర్లో భార్గవ్ ఫ్యామిలీ మొత్తాన్ని పోలీసులు చేర్చినట్టు చెబుతున్నారు. కిడ్నాప్ ప్లాన్ నుండి నిందితులు పారిపోయే వరకు భార్గవ్ ఫ్యామిలీ సాయం చేసిందని పోలీసులు నిర్ధారణకు వచ్చినట్టు తెలుస్తోంది. చూడాలి మరి ఈ కేసు ఇంకా ఎక్కడి వరకు వెళ్తుంది అనేది.
బోయినపల్లి కిడ్నాప్ కేసులో మరి కొన్ని కొత్త పేర్లు..?
