సుశాంత్ సింగ్ రాజ్‌పుత్ మ‌ర‌ణం ఆయన అభిమానులకు, కుటుంబ స‌భ్యులనే కాదు.. ఆయన ప్రాణప్రదంగా పెంచుకున్న పెంపుడు కుక్క ‘ఫుడ్జ్’ కు కూడా తీరని మనోవేదనను మిగిల్చింది. తనను ఎంతో ప్రేమగా చూసుకున్న సుశాంత్ అంటే ఫుడ్జ్‌కి ప్రాణం. సుశాంత్ ఎక్కడ ఉంటే.. ఫుడ్జ్ కూడా అక్కడే ఉండేది. కాని సుశాంత్ మరణంతో ఈ మూగ జీవం బెంగకు లోనైంది. ఈరోజు కాకపోతే రేపైనా వస్తాడనే ఆశతో సుశాంత్ కోసం ఎదురు చూసిన ఫుడ్జ్ ఆహారం తినడమే మానేసింది. అయితే ఫుడ్జ్ బాగా నీరసించిపోవడంతో డాక్టర్లను సంప్రదించారు. ప్రస్తుతం ఫుడ్జ్ ఆరోగ్యంగానే ఉన్నప్పటికీ సుశాంత్ సింగ్ కనిపించడం లేదన్న బెంగతో బాగా చిక్కిపోయింది. అయితే ఫుడ్జ్‌కి సంబంధించిన వార్తలు సోషల్ మీడియాలో వైరల్ కావడంతో అది మరణించిందంటూ పుకార్లు పుట్టుకొచ్చాయి. దీంతో కొంతమంది హార్ట్ బ్రేకింగ్ అంటూ సుశాంత్ సింగ్ పెంపుడు కుక్కకు ఫుడ్జ్‌కి నివాళి అర్పించారు. అయితే ఇవన్నీ ఒట్టి రూమర్స్ అని ప్రస్తుతం ఫుడ్జ్ ఆరోగ్యంగానే ఉన్నట్టు తెలుస్తోంది.
సుశాంత్ సింగ్‌పై బెంగతో పెంపుడు కుక్క మృతి… నిజమిదే ?
