బాలీవుడ్ సింగర్ నేహా కక్కడ్ కు అభిమాని నుంచి చేదు అనుభవం ఎదురైంది. పాపులర్ సింగింగ్ రియాలిటీ షో ఇండియన్ ఐడల్‌కు దేశవ్యాప్తంగా ఎంతో ఆదరణ ఉంది. ఈ షోలో జడ్జిగా ప్రముఖ సింగర్ నేహా కక్కడ్ వ్యవహరిస్తున్నారు. ఈ కార్యక్రమానికి సంబంధించిన ఒక వీడియో వైరల్‌గా మారింది. ఆ వీడియోలో ఒక కంటెస్టెంట్ నేహా కక్కడ్‌కు కిస్‌ చేస్తూ కనిపిస్తున్నాడు. ఒక కంటెస్టెంట్ కొన్ని గిఫ్టులను తీసుకుని స్టేజీ మీదకు వచ్చాడు. అతను అన్ని గిఫ్టులను నేహాకు ఇచ్చాడు. వీటిని అందుకున్న నేహా అతనికి హగ్ ఇచ్చింది. అయితే ఆ కంటెస్టెంట్ వెంటనే ఆమె బుగ్గపై ముద్దు పెట్టాడు. దీంతో నేహా సిగ్గు పడుతూ తన ముఖాన్ని దాచుకుంటూ అక్కడి నుంచి వెళ్లిపోయింది. ఈ ఘటనతో అక్కడున్న వారంతా షాకయ్యారు. ఈ వీడియో ప్రస్తుతం సోషల్ మీడియాలో హల్చల్ చేస్తోంది. ఇక నేహా తెలుగులో నాగార్జున నటించిన ‘కేడీ’లో ‘నీవేనా నీవేనా’ పాటతో పాటు ‘అలా ఎలా’లో ‘థనక్ థనక్’ పాట పాడిన విషయం తెలిసిందే.
స్టార్ సింగర్ కు దిమ్మతిరిగే షాక్ ఇచ్చిన కంటెస్టెంట్… ఏం చేశాడంటే ?
