telugu navyamedia
ట్రెండింగ్ సినిమా వార్తలు

బిడ్డకు జన్మనిచ్చిందంటూ బిగ్ బాస్ బ్యూటీపై వార్తలు… ఘాటుగా స్పందించిన బ్యూటీ

Neha Gowda

కన్నడ నటి, బిగ్ బాస్ కన్నడ సీజన్ 3 ఫేమ్ నేహా గౌడ తనపై వస్తున్న ఫేక్ న్యూస్ పై ఫైర్ ఆయారు. యూఎస్‌లోని కాలిఫోర్నియాలో నేహా గౌడ పండండి ఆడ బిడ్డకు జన్మనిచ్చారంటూ కొన్ని కన్నడ వెబ్‌సైట్లు వార్తలు రాసాయి. ఈ వార్త సోషల్ మీడియాలో వైరల్ అయ్యింది. అయితే, వార్తపై ఆమె స్పందించారు. ఈ మేరకు సోషల్ మీడియా ద్వారా ఆగ్రహం వ్యక్తం చేశారు. ‘‘విపరీతంగా వ్యాప్తి చెందుతోన్న ఈ ఫేక్ న్యూస్ గురించి నాకు తెలియజేసిన అభిమానులకు ధన్యవాదాలు. నా గురించి అసత్య వార్తలు బయటికి రావడం, ఆ వార్తలు వేగంగా వ్యాప్తిచెందడం నన్ను కృంగదీసింది. కేవలం వైరల్ చేసుకోవడం కోసం ఇలాంటి అసత్య వార్తలు ఎందుకు రాస్తారో నాకు అర్థం కావడం లేదు. ఇలాంటి అసత్యపు వార్తలు ఎవరిపై రాస్తారో వారు తీవ్ర మనోవేదనకు గురవుతారు. దయచేసి ఓ వార్త రాసేటప్పుడు ఎవరి గురించి అయితే రాస్తున్నారో వారిని ఒకసారి అడిగి తెలుసుకోండి. ఓ వార్తను సోషల్‌ మీడియాలో షేర్‌ చేసే ముందు తమకు కూడా ఓ అమ్మ, అక్క, స్నేహితురాలు ఉన్నారనే విషయాన్ని గుర్తుపెట్టుకోండి’’ అని నేహా గౌడ పేర్కొన్నారు. మీడియా వారు తనను ఎప్పుడు సంప్రదించినా తాను ప్రోత్సహించానని, ఒకవేళ భవిష్యత్తులో తనపై వార్తలు రాయాల్సి వస్తే తనను సంప్రదించాలని సూచించారు. కాగా, ఎయిర్ హోస్టెస్‌గా కెరీర్‌ను మొదలుపెట్టిన నేహా గౌడ.. కన్నడ సీరియల్ ‘స్వాతి చినుకులు’తో బుల్లితెరకు పరిచయమయ్యారు. ‘లక్ష్మీ బరమ్మ’ సీరియల్‌తో నేహా మంచి గుర్తింపు తెచ్చుకున్నారు. బిగ్ బాస్ షోలో పాల్గొనడం ద్వారా బాగా పాపులర్ అయ్యారు. 2018లో చందన్ గౌడను నేహా వివాహం చేసుకున్నారు. నేహా ప్రస్తుతం కాలిఫోర్నియాలో స్థిరపడ్డారు. కానీ, ఆమె ప్రస్తుతం ఇండియాలోనే ఉన్నట్టు సమాచారం. చందన్ కూడా మార్చిలో ఇండియాకు వచ్చారని, కొన్ని రోజులు సెల్ఫ్ ఐసోలేషన్‌లో ఉన్నారని తెలిసింది.

Related posts