యంగ్ రెబల్ స్టార్ ప్రభాస్ ప్రస్తుతం రాధేశ్యామ్ సినిమా షూటింగ్‌తో బిజీగా ఉన్నాడు. అలాగే మహానటి ఫేమ్ నాగ్ అశ్విన్ దర్శకత్వంలో, బాలీవుడ్ డైరెక్టర్ ఓం రౌత్ దర్శకత్వంలో రెండు భారీ సినిమాలకు ఓకే చెప్పారు ప్రభాస్. ఈ నేపథ్యంలో తాజాగా ప్రభాస్- నాగ్ అశ్విన్ కాంబోలో రాబోతున్న సినిమా నుంచి బిగ్ అనౌన్స్‌మెంట్ ఇచ్చారు మేకర్స్. వైజయంతీ మూవీస్ బ్యానర్‌పై అత్యంత ప్రతిష్టాత్మకంగా రూపొందనున్న ఈ సినిమా ప్రభాస్ కెరీర్‌లో 21వ మూవీగా విడుదల కానుంది. ప్యాన్ ఇండియా మూవీగా తెరకెక్కనున్న ఈ సినిమాలో ఇప్పటికే బాలీవుడ్ స్టార్ హీరోయిన్ దీపికా పదుకొనేను హీరోయిన్‌గా కన్ఫర్మ్ చేసారు. తాజాగా ఈ సినిమాలో బిగ్ బీ అమితాబ్ బచ్చన్ భాగం కాబోతున్నట్లు ప్రకటించారు. ఇప్పటికే ఈ మూవీకి సంబంధించి ప్రీ ప్రొడక్షన్ వర్క్స్ పూర్తయినట్లు సమాచారం. అతి త్వరలో చిత్రాన్ని సెట్స్ మీదకు తేవాలని ప్లాన్ చేస్తున్నారు. స్వప్న దత్, ప్రియాంక దత్ నిర్మాతలుగా భారీ బడ్జెట్ కేటాయించి ఈ మూవీ రూపొందించనున్నారు. ఇందులో బాలీవుడ్ స్టార్స్ భాగం అవుతుండటంతో సినిమాపై ఉన్న అంచనాలు పెరిగిపోయాయి.
ప్రభాస్- నాగ్ అశ్విన్ కాంబోలో ఎంట్రీ ఇవ్వనున్న బిగ్ బీ
