వైరల్ : పంత్ పై “భారత్ ఆర్మీ” పాట

టీమిండియా వికెట్ కీపర్, బ్యాట్స్ మెన్ రిషబ్ పంత్ మైదానంలో బ్యాటింగ్ చేస్తుండగా… పంత్ పై ఆయన అభిమానులు పాడిన పాట వైరల్ అవుతోంది. శుక్రవారం బ్యాటింగ్ లో పంత్ రెచ్చిపోతున్నప్పుడు “భారత్ ఆర్మీ” అనే టీమిండియా అభిమానుల బృందం ఓ పాట పాడారు. “వియ్ హ్యావ్ గాట్.. రిషభ్ పంత్, ఐ జస్ట్ డోంట్ థింక్ యు విల్ అండర్‌స్టాండ్, హి విల్ హిట్ యు ఫర్ సిక్స్, హి విల్ బేబీసిట్ యువర్ కిడ్స్…” అంటూ పంత్ పై తమ అభిమానాన్ని వెల్లడించారు. “‘మాకు పంత్ ఉన్నాడు.. రిషభ్ పంత్, ఈ విషయం మీకు అర్థం అయిందని నేననుకోను… అతడు సిక్సర్లూ కొట్టగలడు, పిల్లల్నీ ఆడించగలడు…” అనేది ఈ పాట అర్థం. ఆసీస్ కెప్టెన్ టిమ్ పైన్, రిషబ్ పంత్ మధ్య ఓ రేంజ్ లో స్లెడ్జింగ్ జరిగిందనే చెప్పాలి. అయితే ఆటను మైదానానికి పరిమితం చేసిన ఈ ఆటగాళ్లు ఆ తరువాత స్నేహితుల్లా కలిసిపోవడం గమనార్హం.