telugu navyamedia
ట్రెండింగ్ సినిమా వార్తలు

డ్రామా జూనియర్స్ ‘బాలయ్య’ గోకుల్ కన్నుమూత… ఎమోషనల్ అయిన బాలకృష్ణ

Balakrishna

జీ తెలుగు ఛానెల్‌లో ప్రసారమయ్యే డ్రామా జూనియర్స్ కార్యక్రమంలో బాలయ్య స్పూఫ్‌లు చేస్తూ జూనియర్ బాలకృష్ణగా గుర్తింపు తెచ్చుకున్న కందుకూరి గోకుల్ సాయికృష్ణ మరణించాడు. డెంగ్యూ జ్వరంతో బాధపడుతున్న గోకుల్ బెంగళూరులోని ఓ ఆస్పత్రిలో చికిత్స పొందుతూ తుదిశ్వాస విడిచాడు. గోకుల్ మరణవార్త అతని కుటుంబ సభ్యులతో పాటు బాలకృష్ణ అభిమానులను షాక్‌కు గురిచేసింది. ఎంతో భవిష్యత్తు ఉన్న బాలనటుడు ఇలా అకస్మాత్తుగా ఈ లోకం నుంచి వెళ్లిపోవడం అందరినీ కలచి వేసింది. కాగా, తన అభిమాని మరణవార్త విన్న బాలకృష్ణ సోషల్ మీడియా ద్వారా స్పందించారు. ఈ మేరకు ఫేస్‌బుల్‌లో పోస్ట్ పెట్టారు. “మాకు అభిమానుల కంటే విలువైనది మరొకటి ఉండదు. అలాంటి చిన్నారి అభిమాని గోకుల్. నేనంటే ప్రాణం ఇచ్చే ఈ చిన్నారి ఈ రోజు ప్రాణాలతో లేడన్న నిజం నా మనసును కలచివేసింది. అతడు డైలాగులు చెప్పిన విధానం.. హావభావాలు చూసి నాకు ఎంతో ముచ్చటేసేది. ఎంతో భవిష్యత్తు ఉన్న ఈ చిన్నారి ఇంత చిన్న వయసులో డెంగ్యూ వ్యాధితో ఈ లోకాన్ని విడిచి వెళ్లడం చాలా బాధ కలిగించింది. ఈ చిన్నారి ఆత్మకు శాంతి కలగాలని కోరుకుంటూ మీ బాలకృష్ణ” అంటూ సోషల్ మీడియాలో పోస్ట్ చేశారు.

Related posts