ఆమె ఓ పాఠశాలలో వంటమనిషిగా పనిచేస్తున్నది. రోజుకు 450 మంది పిల్లలకు వండి పెట్టాలి. నెలకు కేవలం రూ. 1500 రూపాయల జీతం. ఏ మూలకు సరిపోతుంది. అలా చాలీచాలని జీతం.. ఉదయం నుంచి బండెడు చాకిరి. అయినా ఆమె తగ్గలేదు. అడుగు వెనక్కి వేయలేదు. ఖచ్చితంగా విజయం సాధించాలని అనుకుంది. దానికి కోసం దారులు వెతికింది. ఆ సమయంలోనే కౌన్ బనేగా కరోడ్ పతి ప్రోగ్రామ్ కనిపించింది. ఆ ప్రోగ్రాం లో పాల్గొనడానికి మార్గాలు అన్వేషించింది. చివరకు అవకాశం అందిపుచ్చుకుంది. 2000లో ప్రారంభమైన ఈ ప్రోగ్రామ్ ఇప్పటి వరకు 10 సీజన్లు పూర్తి చేసుకుంది. ప్రస్తుతం 11 వ సీజన్.
ఈ సీజన్ లో బబితకు ఛాన్స్ వచ్చింది. ఎదురుగ గాంభీర్యంగా ఉండే అమితాబ్. కష్టమైన ప్రశ్నలు, ఆన్సర్ ఖచ్చితంగా చెప్పాలి. లేదంటే వెనక్కి వెళ్లిపోవాల్సి వస్తుంది. ప్రోగ్రామ్ స్టార్ట్ అయ్యింది. అమితాబ్ ప్రశ్నలు అడుగుతున్నాడు. ఆమెలో ఎలాంటి టెన్షన్ లేకుండా ఆన్సర్ చెప్తున్నది. ఒక్కో ప్రశ్నకు సరైన జవాబు చెప్తూ ముందుకు వెళ్తున్నది. చివరి ప్రశ్న.. దానికి సరైన సమాధానం చెప్తే.. కోటి రూపాయలు గెలుచుకోవచ్చు.. అమితాబ్ ప్రశ్న అడిగాడు.. హాడావుడిగా సమాధానం చెప్పకుండా నిదానంగా ఆలోచింది సమాధానం చెప్పింది. అంతా నిశ్శబ్దం.. గ్యాలరీలో ఉన్న ప్రేక్షకుల హృదయాల శబ్దం బయటకు వినిపిస్తోంది. అమితాబ్ ఆమె కళ్ళలోకి సూటిగా చూస్తూ.. రైట్ ఆన్సర్.. కరోడ్ గెలుచుకున్నారు అని చెప్పడంతో ఆమె ఆనందానికి అవధులు లేవు. ఇప్పటి వరకు తనకు ఫోన్ లేదని.. మంచి ఫోన్ కొనుక్కుంటా అని చెప్పింది బబిత.
“అర్జున్ రెడ్డి” దర్శకుడిపై సెలెబ్రిటీలు ఫైర్… వివరణ ఇచ్చుకున్న సందీప్ రెడ్డి వంగా