“చార్ పంద్రా” షార్ట్ ఫిలింలోని ప్రముఖ సింగర్‌ బి ప్రాక్ పాడిన ‘దిల్ తోడ్‌ కే’ పాట ప్రపంచవ్యాప్తంగా రికార్డులు బద్దలు కొడుతుంది. ఇప్పటి వరకు ఆ పాటకు 25 మిలియన్ల వ్యూస్‌ వచ్చాయి. ఈ షార్ట్ ఫిలింలో ఐఏఎస్ అధికారి అభిషేక్ సింగ్ నటనకు సర్వత్రా ప్రశంసలు కురుస్తున్నాయి. అయితే ఈ పాటలో అభిషేక్ సింగ్ నటనకు ప్రేక్షకులు ఫిదా అయ్యారు. ఈ రొమాంటిక్ సాంగ్ లో అభిషేక్ ప్రేమలో దెబ్బతిన్న ప్రేమికుడిగా హృదయ విదారకరమైన భావాలను వ్యక్తపరిచి ప్రేక్షకులను ఆకట్టుకున్నాడు. ఈ షార్ట్ ఫిలింను ప్రముఖ ఎంటర్‌టైన్మెంట్‌ దిగ్గజం టీ సిరీస్ రూపొందించింది. ఇక అభిషేక్ సింగ్ వెండి తెరపై కూడా కనిపించటం ఖాయమని అభిప్రాయపడుతున్నారు. ప్రస్తుతం అభిషేక్ “ఢిల్లీ క్రైం-2” అనే వెబ్ సిరీస్ లో నటిస్తున్నాడు. త్వరలో ఈ వెబ్ సిరీస్ నెట్ ఫ్లిక్స్ లో విడుదల కానుంది.
రొమాంటిక్ సాంగ్ తో అదరగొడుతున్న ఐఏఎస్ అధికారి
