బాలీవుడ్ నటుడు షారుఖ్ ఖాన్ కుమారుడు ఆర్యన్ ఖాన్కు పోలీసులు శనివారం కౌన్సిలింగ్ ఇచ్చారు. తాను విడుదలైన తర్వాత అందరూ గర్వపడేలా.. పేదల సంక్షేమానికి కృషి చేస్తానని.. ఇకపై చెడ్డపేరు తెచ్చే పనులు చేయబోనని, చెడు మార్గంలో వెళ్లనని ఎన్సీబీ అధికారులకు తెలిపాడు .
ఈ నెల 2న కార్డిలా క్రూయిజ్ నౌకలో జరిగిన రేవ్ పార్టీలో మాదకద్రవ్యాలను స్వాధీనం చేసుకున్న కేసులో ఆర్యన్ను ఎన్సీబీ అరెస్ట్ చేసింది. విచారణ తర్వాత, ఆర్యన్ను అక్టోబర్ 8న ఆర్థర్ రోడ్ జైలులో జ్యుడీషియల్ కస్టడీకి పంపారు. అనంతరం న్యాయవాదులు బెయిల్ కోసం పదేపదే ప్రయత్నించినప్పటికీ, ఆర్యన్ బెయిల్ పిటిషన్ తిరస్కరణకు గురైంది. డ్రగ్స్ కేసులో అరెస్ట్ అయిన ఆర్యన్ ఖాన్ బెయిల్ పిటిషన్‌ను ఈ నెల 20కి వాయిదా వేస్తూ ముంబై కోర్టు వెల్లడించింది.
ఈ క్రమంలో ముంబయిలోని ఓ జైలులో ఆర్యన్ ఖాన్కు ఎన్సీబీ అధికారులు జైలులో విచారణతోపాటు కౌన్సెలింగ్ నిర్వహిస్తున్నారు. ఈ సందర్భంగా ఆర్యన్ వివిధ అంశాలపై మాట్లాడినట్లు అధికారులు తెలిపారు. ‘‘పేదలు, అణగారిన వర్గాల ప్రజలకుచేయూతనిస్తా.. నన్ను చూసి గర్వపడేలా చేస్తా’’ అని అధికారులకు చెప్పాడు. కాగా అతని బెయిల్ పిటిషన పై ప్రత్యేక కోర్టు ఈనెల 20న ఆదేశాలు ఇవ్వనుంది.
వై .సి .పి నాయకులను మూసుకొని కూర్చోమని చెప్పలేరా ?